ਭਾਰਤੀ ਭੌਤਿਕ ਵਿਗਿਆਨੀ ਦੀਪਕ ਧਰ ਨੇ ਜਿੱਤਿਆ ਵੱਕਾਰੀ ਡਿਰਾਕ ਮੈਡਲ

ਅ

ਅਜੀਤ ਡੈਸਕ 13-08-2026

ਲੰਡਨ, 12 ਅਗਸਤ (ਏਜੰਸੀ)-ਭਾਰਤੀ ਭੌਤਿਕ ਵਿਗਿਆਨੀ ਦੀਪਕ ਧਰ ਨੇ ‘ਸਟੈਟਿਸਟੀਕਲ ਮਕੈਨਿਕਸ’ ਵਿਚ ਮਹੱਤਵਪੂਰਨ ਯੋਗਦਾਨ ਲਈ ਸਿਧਾਂਤਕ ਭੌਤਿਕ ਵਿਗਿਆਨ ਵਿਚ ਦੁਨੀਆ ਦੇ ਪ੍ਰਮੁੱਖ ਸਨਮਾਨਾਂ ’ਚੋਂ ਇਕ 2026 ਦਾ ਡਿਰਾਕ ਮੈਡਲ ਜਿੱਤਿਆ ਹੈ। ਇਟਲੀ-ਆਧਾਰਿਤ ਸੰਸਥਾ ਇੰਟਰਨੈਸ਼ਨਲ ਸੈਂਟਰ ਫਾਰ ਥਿਊਰੀਟਿਕਲ ਫਿਜ਼ਿਕਸ ਨੇ ਦੱਸਿਆ ਕਿ ਧਰ ਇਸ ਸਾਲ ਦਾ ਮੈਡਲ ਪ੍ਰਾਪਤ ਕਰਨ ਵਾਲੇ ਚਾਰ ਭੌਤਿਕ ਵਿਗਿਆਨੀਆਂ ਵਿਚੋਂ ਇਕ ਹਨ। ਦੀਪਕ ਧਰ ਬੰਗਲੁਰੂ ਵਿਚ ਟਾਟਾ ਇੰਸਟੀਚਿਊਟ ਆਫ਼ ਫੰਡਾਮੈਂਟਲ ਰਿਸਰਚ ਦੇ ਇੰਟਰਨੈਸ਼ਨਲ ਸੈਂਟਰ ਫਾਰ ਥਿਊਰੀਟਿਕਲ ਸਾਇੰਸਜ਼ ਵਿਚ ਪ੍ਰੋਫੈਸਰ ਹਨ। 1985 ’ਚ ਸਥਾਪਿਤ ਕੀਤਾ ਡਿਰਾਕ ਮੈਡਲ, ਸਿਧਾਂਤਕ ਭੌਤਿਕ ਵਿਗਿਆਨ ਵਿਚ ਪ੍ਰਮੁੱਖ ਯੋਗਦਾਨਾਂ ਨੂੰ ਮਾਨਤਾ ਦਿੰਦਾ ਹੈ। ਦੀਪਕ ਧਰ ਨੂੰ 2026 ਦਾ ਮੈਡਲ ਫਰਾਂਸ ਦੇ ਬਰਨਾਰਡ ਡੇਰਿਡਾ, ਇਟਲੀ ਦੇ ਮਾਰਕ ਮੇਜ਼ਾਰਡ ਅਤੇ ਇਜ਼ਰਾਈਲ ਤੇ ਅਮਰੀਕਾ ਦੇ ਹੈਮ ਸੋਮਪੋਲਿੰਸਕੀ ਨਾਲ ਸਾਂਝੇ ਰੂਪ ’ਚ ਮਿਲਿਆ ਹੈ।

ਪਿਛਲੀ ਖ਼ਬਰ ਇਮਰਾਨ ਖ਼ਾਨ ਦੀ ਸਿਹਤ ਨੂੰ ਲੈ ਕੇ ਵਧੀਆਂ ਚਿੰਤਾਵਾਂ ਪਰਿਵਾਰਕ ਮੈਂਬਰ ਜੇਲ੍ਹ ’ਚ ਮੁਲਾਕਾਤ ਲਈ ਪਹੁੰਚੇ ਅਗਲੀ ਖ਼ਬਰ ਬ੍ਰਿਸਬੇਨ ’ਚ ਭਾਰਤੀ ਦਿੱਖ ਵਾਲੇ ਪੋਸਟਰ ਬਣੇ ਨਸਲੀ ਵਿਤਕਰੇ ਦਾ ਸ਼ਿਕਾਰ