ਵਿਆਹ ਵਾਲੇ ਦਿਨ ਭਾਰਤੀ ਲਾੜੇ ਦੀ ਹੈਲੀਕਾਪਟਰ ਹਾਦਸੇ 'ਚ ਮੌਤ

ਅ

ਅਜੀਤ ਡੈਸਕ 02-06-2026

ਅਟਲਾਂਟਾ, 1 ਜੂਨ (ਇੰਟ.)-ਅਮਰੀਕਾ ਦੇ ਜਾਰਜੀਆ 'ਚ ਇਕ ਭਾਰਤੀ ਮੂਲ ਦੇ ਪਾਇਲਟ ਦੀ ਵਿਆਹ ਤੋਂ ਕੁਝ ਘੰਟਿਆਂ ਬਾਅਦ ਹੀ ਇਕ ਹੈਲੀਕਾਪਟਰ ਹਾਦਸੇ 'ਚ ਮÏਤ ਹੋ ਗਈ | ਇਸ ਹਾਦਸੇ 'ਚ ਉਸਦੀ ਪਤਨੀ ਜ਼ਖਮੀ ਹੋ ਗਈ ਤੇ ਲਗਭਗ 6 ਘੰਟੇ ਤੱਕ ਮਲਬੇ 'ਚ ਫਸੀ ਰਹੀ | ਡੇਵ ਫਿਜੀ ਤੇ ਜੈਸੀ ਦਾ ਵਿਆਹ 29 ਮਈ ਨੂੰ ਡਾਸਨਵਿਲ ਦੇ ਰਿਵੀਅਰ ਵਿਆਹ ਸਥਾਨ 'ਤੇ ਹੋਇਆ ਸੀ | ਸਮਾਰੋਹ 'ਚ ਲਗਭਗ 400 ਮਹਿਮਾਨ ਸ਼ਾਮਲ ਹੋਏ |
ਵਿਆਹ ਤੋਂ ਬਾਅਦ, ਨਵ-ਵਿਆਹੇ ਜੋੜੇ ਹੈਲੀਕਾਪਟਰ ਰਾਹੀਂ ਅਟਲਾਂਟਾ ਲਈ ਉਡਾਣ ਭਰੀ, ਪਰ ਹੈਲੀਕਾਪਟਰ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਹਾਦਸਾਗ੍ਰਸਤ ਹੋ ਗਿਆ | ਯੂ.ਐਸ. ਨੈਸ਼ਨਲ ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (ਐਨ.ਟੀ.ਐਸ.ਬੀ.) ਘਟਨਾ ਦੀ ਜਾਂਚ ਕਰ ਰਿਹਾ ਹੈ | ਹਾਲਾਂਕਿ, ਏਜੰਸੀ ਨੇ ਅਜੇ ਤੱਕ ਹਾਦਸੇ ਦਾ ਕਾਰਨ ਜਾਰੀ ਨਹੀਂ ਕੀਤਾ ਹੈ | ਸ਼ੁਰੂਆਤੀ ਜਾਂਚ ਰਿਪੋਰਟ ਅਗਲੇ 30 ਦਿਨਾਂ ਦੇ ਅੰਦਰ ਆਉਣ ਦੀ ਉਮੀਦ ਹੈ | ਡੇਵ ਫਿਜੀ ਦੇ ਮਾਤਾ-ਪਿਤਾ ਮੂਲ ਰੂਪ 'ਚ ਕੇਰਲਾ ਦੇ ਏਰਨਾਕੁਲਮ ਜ਼ਿਲ੍ਹੇ ਦੇ ਮੁਵੱਟੂਪੁਝਾ ਤੋਂ ਹਨ, ਜਦੋਂ ਕਿ ਜੈਸੀ ਦਾ ਪਰਿਵਾਰ ਕੇਰਲਾ ਦੇ ਅਲਾਪੁਝਾ ਜ਼ਿਲ੍ਹੇ ਤੋਂ ਹੈ |

ਪਿਛਲੀ ਖ਼ਬਰ ਕੇਵਲ ਸਿੰਘ ਢਿਲੋਂ ਨੂੰ ਪ੍ਰਵਾਸੀਆਂ ਤੇ ਕੇਂਦਰ ਵਿਚਕਾਰ ਪੁਲ ਦਾ ਕੰਮ ਕਰਨ ਦੀ ਲੋੜ-ਸਹੋਤਾ ਅਗਲੀ ਖ਼ਬਰ ਅਬੋਹਰ ਦੀ ਸ਼੍ਰੇਆ ਨੇ ਵੀਅਤਨਾਮ 'ਚ 'ਆਇਰਨ ਮੈਨ 70.3' 'ਚ ਹਾਸਿਲ ਕੀਤਾ ਵਿਸ਼ਵ ਪੱਧਰੀ 8ਵਾਂ ਸਥਾਨ