ਮੁੱਧ ਪੂਰਬੀ ਜੰਗ ਕਾਰਨ ਆਈ.ਸੀ.ਸੀ. ਦੀ ਦੋਹਾ ਮੀਟਿੰਗ ਮੁਲਤਵੀ <br/>

ਨਵੀਂ ਦਿੱਲੀ, 8 ਮਾਰਚ (ਪੀ.ਟੀ.ਆਈ.)-ਦੋਹਾ, ਕਤਰ 'ਚ 25-27 ਮਾਰਚ ਨੂੰ ਹੋਣ ਵਾਲੀ 3-ਰੋਜ਼ਾ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈ.ਸੀ.ਸੀ.) ਦੀ ਮੀਟਿੰਗ ਅਮਰੀਕਾ, ਇਜ਼ਰਾਈਲ ਤੇ ਈਰਾਨ ਵਿਚਕਾਰ ਚੱਲ ਰਹੇ ਟਕਰਾਅ ਕਾਰਨ ਮੁਲਤਵੀ ਕਰ ਦਿੱਤੀ ਗਈ ਹੈ | ਆਈ.ਸੀ.ਸੀ. ਦੇ ਇਕ ਸੂਤਰ ਦੇ ਅਨੁਸਾਰ, ਇਹ ਮੀਟਿੰਗ ਅਗਲੇ ਮਹੀਨੇ ਉਸੇ ਮਹਾਂਦੀਪ 'ਚ ਹੋਵੇਗੀ | ਸੂਤਰ ਨੇ ਕਿਹਾ ਕਿ ਅਹਿਮਦਾਬਾਦ 'ਚ ਭਾਰਤ ਤੇ ਨਿਊਜ਼ੀਲੈਂਡ ਵਿਚਕਾਰ ਟੀ-20 ਵਿਸ਼ਵ ਕੱਪ ਫਾਈਨਲ ਤੋਂ ਇਕ ਦਿਨ ਪਹਿਲਾਂ ਆਈ.ਸੀ.ਸੀ. ਮੈਂਬਰਾਂ ਨੂੰ ਇਕ ਰਸਮੀ ਪੱਤਰ ਭੇਜਿਆ ਗਿਆ ਸੀ | ਮੀਟਿੰਗ 'ਚ ਆਈ.ਸੀ.ਸੀ. ਬੋਰਡ ਆਫ਼ ਡਾਇਰੈਕਟਰਜ਼ ਦੇ ਮੈਂਬਰਾਂ, ਮੁੱਖ ਕਾਰਜਕਾਰੀ ਅਧਿਕਾਰੀਆਂ, ਕਮੇਟੀ ਮੈਂਬਰਾਂ ਤੇ ਸੀਨੀਅਰ ਅਧਿਕਾਰੀਆਂ ਦੇ ਸ਼ਾਮਲ ਹੋਣ ਦੀ ਉਮੀਦ ਸੀ ਤੇ ਸੰਗਠਨ ਦੇ ਸੰਚਾਲਨ ਕੈਲੰਡਰ ਦੇ ਹਿੱਸੇ ਵਜੋਂ ਵਿਸ਼ਵਵਿਆਪੀ ਖੇਡ ਦੇ ਮÏਜੂਦਾ ਤੇ ਭਵਿੱਖ ਨਾਲ ਸਬੰਧਤ ਮਹੱਤਵਪੂਰਨ ਮਾਮਲਿਆਂ 'ਤੇ ਚਰਚਾ ਕੀਤੀ ਜਾਣੀ ਸੀ | ਆਈ.ਸੀ.ਸੀ. ਨੇ ਕਤਰ ਵਿਚ ਕ੍ਰਿਕਟ ਨਾਲ ਆਪਣੇ ਵਧਦੇ ਸਬੰਧਾਂ ਕਾਰਨ ਮੀਟਿੰਗ ਲਈ ਕਤਰ ਨੂੰ ਚੁਣਿਆ |