ਟਰੈਪ ਸ਼ੂਟਿੰਗ : ਭਾਰਤੀ ਮਹਿਲਾ ਟੀਮ ਨੇ ਚਾਂਦੀ ਦਾ ਤਗਮਾ ਜਿੱਤਿਆ

ਨਾਗੋਆ, 29 ਸਤੰਬਰ (ਪੀ. ਟੀ.

ਚ

ਚਾਂਦੀ ਦਾ ਤਗਮਾ ਜਿੱਤਣ ਉਪਰੰਤ ਕੌਮੀ ਝੰਡੇ ਨਾਲ ਮਨੀਸ਼ਾ ਕੀਰ, ਆਸ਼ੀਮਾ ਅਹਲਾਵਤ ਤੇ ਨੀਰੂ ਢਾਂਡਾ। 30-09-2026

ਨਾਗੋਆ, 29 ਸਤੰਬਰ (ਪੀ. ਟੀ. ਆਈ.)-ਭਾਰਤੀ ਮਹਿਲਾ ਟਰੈਪ ਸ਼ੂਟਿੰਗ ਟੀਮ ਨੇ ਚਾਂਦੀ ਦਾ ਤਗਮਾ ਭਾਰਤ ਦੀ ਝੋਲੀ ਪਾਇਆ। ਨੀਰੂ (118), ਆਸ਼ਿਮਾ ਅਹਲਾਵਤ (106) ਅਤੇ ਮਨੀਸ਼ਾ ਕੀਰ (104) ਦੀ ਭਾਰਤੀ ਤਿਕੜੀ ਨੇ ਕੁੱਲ 328 ਦਾ ਸਕੋਰ ਕੀਤਾ ਅਤੇ ਸੋਨ ਤਗਮਾ ਜਿੱਤਣ ਵਾਲੇ ਚੀਨ (346) ਤੋਂ ਬਾਅਦ ਦੂਜੇ ਸਥਾਨ ’ਤੇ ਰਿਹਾ, ਜਦੋਂਕਿ ਕੁਵੈਤ (325) ਨੇ ਕਾਂਸੀ ਦਾ ਤਗਮਾ ਜਿੱਤਿਆ।ਨੀਰੂ ਪਹਿਲੇ ਸਥਾਨ ਲਈ ਰੇ ਬੈਸਿਲ ਨਾਲ ਬਰਾਬਰੀ ‘ਤੇ ਸੀ ਪਰ ਉਸ ਨੇ ਸ਼ੂਟ-ਆਫ ਵਿਚ ਕਤਰ ਦੀ ਨਿਸ਼ਾਨੇਬਾਜ਼ ਨੂੰ ਹਰਾ ਕੇ ਇਕੱਲੇ ਸਿਖਰਲਾ ਸਥਾਨ ਹਾਸਲ ਕੀਤਾ।ਕੁਆਲੀਫਿਕੇਸ਼ਨ ਦੌਰ ਵਿਚ ਆਸ਼ਿਮਾ 16ਵੇਂ ਅਤੇ ਮਨੀਸ਼ਾ 23ਵੇਂ ਸਥਾਨ ‘ਤੇ ਰਹੀ।ਇਸ ਮੁਕਾਬਲੇ ਵਿਚ ਕੁੱਲ 27 ਨਿਸ਼ਾਨੇਬਾਜ਼ਾਂ ਨੇ ਹਿੱਸਾ ਲਿਆ, ਜਿਨ੍ਹਾਂ ’ਚੋਂ 8 ਨਿਸ਼ਾਨੇਬਾਜ਼ ਫਾਈਨਲ ਲਈ ਅੱਗੇ ਵਧੇ। ਇਸ ਤਗਮੇ ਨਾਲ ਚੱਲ ਰਹੀਆਂ ਖੇਡਾਂ ਵਿਚ ਭਾਰਤ ਦੇ ਕੁੱਲ ਤਗਮਿਆਂ ਦੀ ਗਿਣਤੀ 46 ਹੋ ਗਈ ਹੈ।

ਪਿਛਲੀ ਖ਼ਬਰ ਭਾਰਤ ਨੇ ਨਵੇਂ ਕੌਮੀ ਰਿਕਾਰਡ ਨਾਲ ਜਿੱਤਿਆ ਕਾਂਸੀ ਦਾ ਤਗਮਾ ਅਗਲੀ ਖ਼ਬਰ ਗੁਰਿੰਦਰਵੀਰ ਸਿੰਘ ਨੇ ਰਾਸ਼ਟਰਮੰਡਲ ਦੀ ਨਿਰਾਸ਼ਾ ਨੂੰ ਛੱਡਿਆ ਪਿੱਛੇ