ਪ੍ਰਗਨਾਨੰਧਾ ਨੇ ਪਹਿਲਾ ਸੇਂਟ ਲੁਈਸ ਖਿਤਾਬ ਜਿੱਤਿਆ

ਅ

ਅਜੀਤ ਡੈਸਕ 08-08-2026

ਸੇਂਟ ਲੁਈਸ , 7 ਅਗਸਤ ( ਏਜੰਸੀ )- ਭਾਰਤ ਦੇ ਨੌਜਵਾਨ ਗ੍ਰੈਂਡਮਾਸਟਰ ਆਰ . ਪ੍ਰਗਨਾਨੰਧਾ ਨੇ ਆਪਣਾ ਪਹਿਲਾ ਸੇਂਟ ਲੁਈਸ ਰੈਪਿਡ ਤੇ ਬਲਿਟਜ਼ ਟੂਰਨਾਮੈਂਟ ਖਿਤਾਬ ਜਿੱਤ ਕੇ ਸ਼ਤਰੰਜ ਦੀ ਦੁਨੀਆ ਵਿਚ ਆਪਣੀ ਸਥਿਤੀ ਨੂੰ ਹੋਰ ਮਜ਼ਬੂਤ ਕੀਤਾ । 20 ਸਾਲਾ ਖਿਡਾਰੀ ਨੇ ਇਕ ਰਾਊਂਡ ਬਾਕੀ ਰਹਿੰਦਿਆਂ 23.5 ਅੰਕਾਂ ਦੇ ਸਕੋਰ ਨਾਲ ਖਿਤਾਬ ਹਾਸਲ ਕੀਤਾ । ਇਸ ਜਿੱਤ ਨਾਲ , ਉਸਨੇ ਨਾ ਸਿਰਫ ਉਜ਼ਬੇਕਿਸਤਾਨ ਦੇ ਜਾਵੋਖਿਰ ਸਿੰਦਾਰੋਵ ਨੂੰ ਪਛਾੜ ਦਿੱਤਾ , ਸਗੋਂ ਸਾਲ ਦੇ ਅੰਤ ’ ਚ ਹੋਣ ਵਾਲੇ ਗ੍ਰੈਂਡ ਸ਼ਤਰੰਜ ਟੂਰ ਫਾਈਨਲਜ਼ ’ ਚ ਆਪਣੀ ਜਗ੍ਹਾ ਵੀ ਪੱਕੀ ਕਰ ਲਈ । ਪ੍ਰਗਨਾਨੰਧਾ ਗ੍ਰੈਂਡ ਸ਼ਤਰੰਜ ਟੂਰ ਦੇ ਆਖਰੀ ਰੈਪਿਡ ਤੇ ਬਲਿਟਜ਼ ਟੂਰਨਾਮੈਂਟ ਦੇ ਆਖਰੀ ਦਿਨ ਅਜੇਤੂ ਰਿਹਾ । ਸਿੰਦਾਰੋਵ 22 ਅੰਕਾਂ ਨਾਲ ਦੂਜੇ ਸਥਾਨ ’ ਤੇ ਰਿਹਾ , ਜਦੋਂ ਕਿ ਅਮਰੀਕਾ ਦੇ ਵੇਸਲੇ ਸੋ 20 ਅੰਕਾਂ ਨਾਲ ਤੀਜੇ ਸਥਾਨ ’ ਤੇ ਰਿਹਾ । ਜ਼ਿਕਰਯੋਗ ਹੈ ਕਿ ਗ੍ਰੈਂਡ ਸ਼ਤਰੰਜ ਟੂਰ ਸਟੈਂਡਿੰਗ ਇਸ ਜਿੱਤ ਨੇ ਪ੍ਰਗਨਾਨੰਧਾ ਨੂੰ ਗ੍ਰੈਂਡ ਸ਼ਤਰੰਜ ਟੂਰ ਸਟੈਂਡਿੰਗ ਵਿਚ ਦੂਜੇ ਸਥਾਨ ’ ਤੇ ਪਹੁੰਚਾ ਦਿੱਤਾ ਹੈ ।

ਪਿਛਲੀ ਖ਼ਬਰ ਭਾਰਤ ਤੋਂ ਬਾਅਦ ਚੀਨ ’ਚ ਵੀ ਜਰਸੀ ਦੇ ਰੰਗ ’ਤੇ ਛਿੜੀ ਬਹਿਸ ਅਗਲੀ ਖ਼ਬਰ ਐਗਰੋਕ੍ਰੈਸਟ ਕੈਮੀਕਲਜ਼ ਪ੍ਰਾਈਵੇਟ ਲਿਮਟਿਡ ਨੇ ਸਥਾਪਨਾ ਦਿਵਸ ਮੌਕੇ ਬੂਟੇ ਲਗਾਏ