ਲਖਨਊ, 7 ਮਈ (ਏਜੰਸੀ)-ਆਈ.ਪੀ.ਐਲ. ਦੇ 50ਵੇਂ ਮੈਚ 'ਚ ਲਖਨਊ ਸੁਪਰ ਜਾਇੰਟਸ ਨੇ ਰਾਇਲ ਚੈਲੇਂਜਰਸ ਬੈਂਗਲੁਰੂ ਨੂੰ 9 ਦੌੜਾਂ ਨਾਲ ਹਰਾਇਆ | ਲਖਨਊ ਦੇ ਏਕਾਨਾ ਕ੍ਰਿਕਟ ਸਟੇਡੀਅਮ 'ਚ ਹੋਏ ਮੈਚ 'ਚ ਬੈਂਗਲੁਰੂ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫ਼ੈਸਲਾ ਕੀਤਾ | ਅੱਜ ਦੇ ਮੈਚ 'ਚ ਮੀਂਹ ਕਾਰਨ ਇਸ ਨੂੰ 19 ਓਵਰਾਂ ਤੱਕ ਘਟਾ ਦਿੱਤਾ ਗਿਆ ਹੈ | ਲਖਨਊ ਨੇ ਆਪਣੇ ਨਿਰਧਾਰਤ 19 ਓਵਰਾਂ 'ਚ ਮਿਸ਼ੇਲ ਮਾਰਸ਼ ਦੇ ਸੈਂਕੜੇ ਸਦਕਾ 3 ਵਿਕਟਾਂ ਦੇ ਨੁਕਸਾਨ 'ਤੇ ਕੁੱਲ 209 ਦÏੜਾਂ ਬਣਾਈਆਂ | ਡੀ.ਐਲ.ਐਸ. ਵਿਧੀ ਦੇ ਤਹਿਤ ਲਖਨਊ ਨੇ ਬੈਂਗਲੁਰੂ ਨੂੰ ਜਿੱਤਣ ਲਈ 213 ਦÏੜਾਂ ਦਾ ਟੀਚਾ ਦਿੱਤਾ | ਲਖਨਊ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ | ਮਿਸ਼ੇਲ ਮਾਰਸ਼ ਤੇ ਅਰਸ਼ਿਨ ਕੁਲਕਰਨੀ (17) ਨੇ ਮਿਲ ਕੇ ਪਹਿਲੀ ਵਿਕਟ ਲਈ 95 ਦÏੜਾਂ ਦੀ ਸਾਂਝੇਦਾਰੀ ਕੀਤੀ | ਮਾਰਸ਼ ਨੇ 49 ਗੇਂਦਾਂ 'ਚ ਆਪਣਾ ਸੈਂਕੜਾ ਪੂਰਾ ਕੀਤਾ | ਹਾਲਾਂਕਿ, ਇਸ ਤੋਂ ਥੋੜੀ ਦੇਰ ਬਾਅਦ ਉਹ ਆਉਟ ਹੋ ਗਿਆ | ਮਾਰਸ਼ ਨੇ 56 ਗੇਂਦਾਂ 'ਤੇ 111 ਦÏੜਾਂ ਬਣਾਈਆਂ | ਇਸ ਤੋਂ ਇਲਾਵਾ ਨਕੋਲਸ ਪੂਰਨ ਨੇ 38 ਦÏੜਾਂ ਬਣਾਈਆਂ ਤੇ ਕਪਤਾਨ ਰਿਸ਼ਭ ਪੰਤ ਨੇ ਅਜੇਤੂ 32 ਦੌੜਾਂ ਦਾ ਯੋਗਦਾਨ ਪਾਇਆ | ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਦੀ ਸ਼ੁਰੂਆਤ ਬਹੁਤ ਮਾੜੀ ਰਹੀ | ਜੈਕਬ ਬੈਥਲ 4 ਦੌੜਾਂ ਤੇ ਵਿਰਾਟ ਕੋਹਲੀ ਆਪਣਾ ਖਾਤਾ ਖੋਲ੍ਹੇ ਬਿਨ੍ਹਾਂ ਆਉਟ ਹੋਏ | ਇਸ ਮੌਕੇ ਤੋਂ ਦੇਵਦੱਤ ਪਡੀਕਲ ਤੇ ਰਜਤ ਪਾਟੀਦਾਰ ਨੇ 95 ਦÏੜਾਂ ਦੀ ਸਾਂਝੇਦਾਰੀ ਕੀਤੀ | ਪਾਡਿਕਲ 34 ਦੌੜਾਂ ਬਣਾਉਣ ਤੋਂ ਬਾਅਦ ਆਉਟ ਹੋ ਗਏ | ਜਦਕਿ ਪਾਟੀਦਾਰ 61 ਦÏੜਾਂ ਦੀ ਪਾਰੀ ਖੇਡ ਕੇ ਪਵੇਲੀਅਨ ਪਰਤੇ | ਇਸ ਮੌਕੇ ਟਿਮ ਡੇਵਿਡ ਨੇ ਇਕ ਅਹਿਮ ਯੋਗਦਾਨ ਪਾਉਂਦੇ ਹੋਏ 17 ਗੇਂਦਾਂ 'ਤੇ 40 ਦÏੜਾਂ ਬਣਾਈਆਂ | ਕਰੁਣਾਲ ਪਾਂਡਿਆ (28) ਤੇ ਰੋਮਾਰੀਓ ਸ਼ੈਫਰਡ ਨੇ 23 ਦੌੜਾਂ ਦੀ ਪਾਰੀ ਖੇਡੀ ਪਰ ਉਹ ਟੀਮ ਨੂੰ ਜਿਤਾਉਣ 'ਚ ਅਸਫ਼ਲ ਰਹੇ |
