ਸਾਹਨੇਵਾਲ, 18 ਫਰਵਰੀ (ਹਨੀ ਚਾਠਲੀ)- 'ਦ ਫੇਅਰਵੈੱਲ ਬੈਸ਼' ਇੱਕ ਵਿਦਾਇਗੀ ਸਮਾਰੋਹ ਨਹੀਂ, ਸਗੋਂ ਜੀਵਨ ਦੀ ਨਵੀਂ ਸ਼ੁਰੂਆਤ ਵੱਲ ਕਦਮ ਹੈ ਦੇ ਤਹਿਤ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਇੱਕ ਸ਼ਾਨਦਾਰ ਵਿਦਾਇਗੀ ਸਮਾਰੋਹ ਕਰਵਾਇਆ ਗਿਆ | ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਸਕੂਲ ਦੇ ਮੈਨੇਜਰ ਲਖਵੀਰ ਸਿੰਘ ਹਰਾ, ਪਿ੍ੰਸੀਪਲ ਭੁਪਿੰਦਰਜੀਤ ਕੌਰ ਬੇਦੀ ਦੁਆਰਾ ਰਿਬਨ ਕੱਟ ਕੇ ਨਿੱਘੇ ਸਵਾਗਤ ਨਾਲ ਹੋਈ | ਇਸ ਦਿਨ ਦੀਆਂ ਯਾਦਾਂ ਨੂੰ ਸੰਜੋਅ ਕੇ ਰੱਖਣ ਲਈ ਵਿਦਿਆਰਥੀਆਂ ਨੇ ਪਿ੍ੰਸੀਪਲ ਅਤੇ ਮੈਨੇਜਰ ਦੇ ਨਾਲ-ਨਾਲ ਆਪਣੇ ਹਸਤਾਖ਼ਰ ਕਰ ਕੇ ਇੱਕ ਸਾਂਝ ਦੇ ਯਾਦਗਾਰੀ ਚਿੰਨ੍ਹ ਵਜੋਂ ਸੰਭਾਲਿਆ ਵਿਦਿਆਰਥੀਆਂ ਨੂੰ ਵਿਸ਼ੇਸ਼ ਖ਼ਿਤਾਬ ਦੇ ਕੇ ਸਨਮਾਨਿਤ ਕੀਤਾ ਗਿਅ | ਸਮਾਗਮ ਦੇ ਅਖੀਰ ਵਿਚ ਮਿਸ ਫੇਅਰਵੈੱਲ ਅਰਸ਼ਨੂਰ ਕੌਰ (ਬਾਰ੍ਹਵੀਂ ਜਮਾਤ ਆਰਟਸ) ਤੇ ਮਿਸਟਰ ਫੇਅਰਵੈੱਲ ਅਨਹਦ ਸਿੰਘ ਢਿੱਲੋਂ (ਬਾਰ੍ਹਵੀਂ ਜਮਾਤ ਸਾਇੰਸ) ਨੂੰ ਤਾੜੀਆਂ ਦੀ ਗੂੰਜ ਵਿਚਕਾਰ ਬੈਜ ਤੇ ਸੈਸ਼ੇ ਨਾਲ ਸਨਮਾਨਿਤ ਕੀਤਾ ਗਿਆ |