ਰਾਮਾਂ ਮੰਡੀ, 17 ਮਈ (ਤਰਸੇਮ ਸਿੰਗਲਾ)- ਆਪਣੇ ਆਪ ਨੰੂ ਦੇਸ਼ ਦੀ ਸਭ ਤੋਂ ਵੱਡੀ ਪਾਰਟੀ ਅਤੇ ਮਜ਼ਬੂਤ ਕੇਂਦਰ ਸਰਕਾਰ ਦੱਸਣ ਵਾਲੇ ਭਾਜਪਾ ਦੇ ਕੁਝ ਉਮੀਦਵਾਰਾਂ ਨੂੰ ਨਗਰ ਕੌਂਸਲ ਚੋਣਾਂ ਦੇ ਨਾਮਜ਼ਦਗੀ ਫਾਰਮ ਦਾਖਲ ਕਰਨ ਦੇ ਆਖ਼ਰੀ ਦਿਨ ਸ਼ਨੀਵਾਰ ਨੂੰ ਰਾਮਾਂ ਨਗਰ ਕੌਂਸਲ ਵਿਚ ਪੁਲਿਸ ਦੇ ਜ਼ੋਰ 'ਤੇ ਕਾਗਜ਼ ਹੀ ਦਾਖਲ ਨਹੀਂ ਕਰਨ ਦਿੱਤੇ ਗਏ¢ ਜਦੋਂਕਿ ਇਸ ਤੋਂ ਪਹਿਲੇ ਦਿਨ ਸ਼ੁੱਕਰਵਾਰ ਨੂੰ ਵੀ ਪੁਲਿਸ ਨੇ ਭਾਜਪਾ ਦੇ ਉਮੀਦਵਾਰਾਂ ਇਥੋਂ ਤੱਕ ਕਿ ਲੋਕ-ਸਭਾ ਹਲਕਾ ਬਠਿੰਡਾ ਦੀ ਕਨਵੀਨਰ ਮੈਡਮ ਪਰਮਪਾਲ ਕੌਰ ਨੂੰ ਵੀ ਕਾਗਜ਼ ਦਾਖਲ ਕਰਨ ਲਈ ਉਮੀਦਵਾਰਾਂ ਦੇ ਨਾਲ ਬੈਰੀਗੇਟਿੰਗ ਤੋਂ ਹੀ ਲੰਘਣ ਨਹੀਂ ਦਿੱਤਾ ਗਿਆ¢ ਸ਼ਹਿਰ ਵਾਸੀਆਂ ਨੇ ਕਿਹਾ ਕਿ ਭਾਜਪਾ ਨੂੰ ਦੇਸ਼ ਦੀ ਸਭ ਤੋਂ ਵੱਡੀ ਪਾਰਟੀ ਅਤੇ ਕੇਂਦਰ ਦੀ ਸਭ ਤੋਂ ਮਜ਼ਬੂਤ ਸਰਕਾਰ ਦੱਸਣ ਵਾਲਾ ਇਕ ਵੀ ਭਾਜਪਾ ਦਾ ਕੇਂਦਰ ਦਾ ਨੇਤਾ ਉਮੀਦਵਾਰਾਂ ਦੇ ਕਾਗਜ਼ ਦਾਖਲ ਕਰਾਉਣ ਲਈ ਅੱਗੇ ਨਹੀਂ ਆਇਆ, ਵਰਕਰ ਹੀ ਪੁਲਿਸ ਬੈਰੀਕੇਡਿੰਗ ਤੇ ਧੱਕਾਮੁੱਕੀ ਹੁੰਦੇ ਰਹੇ ¢ ਜਦੋਂ ਭਾਜਪਾ ਦੇ ਪੂਰੇ ਉਮੀਦਵਾਰ ਆਪਣੇ ਨਾਮਜ਼ਦਗੀ ਪੱਤਰ ਆਸਾਨੀ ਨਾਲ ਦਾਖਲ ਨਹੀਂ ਕਰਵਾ ਸਕੇ ਤਾਂ ਭਾਜਪਾ ਨੂੰ ਦੇਸ਼ ਦੀ ਸਭ ਤੋਂ ਮਜ਼ਬੂਤ ਅਤੇ ਵੱਡੀ ਪਾਰਟੀ ਕਿਵੇਂ ਮੰਨਿਆ ਜਾ ਸਕਦਾ ਹੈ¢
