ਰਾਮਾਂ ਮੰਡੀ, 1 ਜਨਵਰੀ (ਤਰਸੇਮ ਸਿੰਗਲਾ)-ਬੀਤੀ ਰਾਤ ਸਥਾਨਕ ਸ੍ਰੀ ਦੁਰਗਾ ਮੰਦਰ ਵਿਖੇ ਸ੍ਰੀ ਸ਼ਿਆਮ ਪਰਿਵਾਰ ਮਿੱਤਰ ਮੰਡਲ ਵਲੋਂ ਸ੍ਰੀ ਦੁਰਗਾ ਮੰਦਰ ਕਮੇਟੀ ਦੇ ਸਹਿਯੋਗ ਨਾਲ ਨਵੇਂ ਸਾਲ 2026 ਦਾ ਸਵਾਗਤ ਸ੍ਰੀ ਖਾਟੂ ਸ਼ਿਆਮ ਬਾਬਾ ਜੀ ਦੀ ਚੌਕੀ ਦਾ ਆਯੋਜਨ ਕਰਕੇ ਕੀਤਾ | ਇਸ ਦੌਰਾਨ ਬਾਬਾ ਜੀ ਦਾ ਅਤੁੱਟ ਭੰਡਾਰਾ ਵੀ ਲਾਇਆ | ਸਮਾਗਮ ਦੇ ਵਿਸ਼ੇਸ਼ ਮਹਿਮਾਨ ਅਮਰੀਸ਼ ਕੁਮਾਰ ਵਿੱਕੀ, ਜੈਨ ਕੁਮਾਰ ਤੇ ਅਰੁਣ ਕੁਮਾਰ ਵਲੋਂ ਜੋਤੀ ਪ੍ਰਚੰਡ ਤੇ ਝੰਡੇ ਦੀ ਰਸਮ ਅਦਾ ਕੀਤੀ ਗਈ | ਸ਼ਿਆਮ ਪਰਿਵਾਰ ਮਿੱਤਰ ਮੰਡਲ ਵਲੋਂ ਮਹਿਮਾਨਾਂ ਨੂੰ ਸ੍ਰੀ ਖਾਟੂ ਸ਼ਿਆਮ ਬਾਬਾ ਜੀ ਦੀਆਂ ਤਸਵੀਰਾਂ ਭੇਟ ਕਰਕੇ ਸਨਮਾਨਿਤ ਕੀਤਾ | ਭਜਨ ਪ੍ਰਚਾਰਕ ਅਮਰਕਾਂਤ ਮਿਸ਼ਰਾ ਹਨੂਮਾਨਗੜ੍ਹ ਵਲੋਂ ਆਜਾ ਹਾਰੇ ਕੇ ਸਹਾਰੇ ਤੇ ਹੋਰ ਮਧੂਰ ਭਜਨ ਗਾ ਕੇ ਖਾਟੂ ਸ਼ਿਆਮ ਬਾਬਾ ਜੀ ਦਾ ਗੁਣਗਾਨ ਕੀਤਾ | ਇਸ ਮÏਕੇ ਗੋਲੀ ਸੀਂਗੋ ਵੀ ਵਿਸ਼ੇਸ਼ ਤÏਰ 'ਤੇ ਮੌਜੂਦ ਰਹੇ | ਸੰਸਥਾ ਦੇ ਮੈਂਬਰ ਅਭੈ ਕੁਮਾਰ ਸ਼ਰਮਾ ਨੇ ਸੰਸਥਾ ਵਲੋਂ ਮਹਿਮਾਨਾਂ ਤੇ ਭਗਤਾਂ ਦਾ ਧੰਨਵਾਦ ਕੀਤਾ |
