ਮਮਦੋਟ, 1 ਅਪ੍ਰੈਲ (ਰਾਜਿੰਦਰ ਸਿੰਘ ਹਾਂਡਾ)-ਤਹਿਸੀਲ ਗੁਰੂਹਰਸਹਾਏ ਵਿਖੇ ਤਾਇਨਾਤ ਨਾਇਬ ਤਹਿਸੀਲਦਾਰ ਰਮੇਸ਼ ਕੁਮਾਰ ਢੀਗਰਾਂ ਜਿਨ੍ਹਾਂ ਨੂੰ ਸਬ ਤਹਿਸੀਲ ਮਮਦੋਟ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ, ਨੇ ਅੱਜ ਸਬ ਤਹਿਸੀਲ ਮਮਦੋਟ ਦਾ ਵਾਧੂ ਚਾਰਜ ਸੰਭਾਲ ਲਿਆ ਹੈ | ਚਾਰਜ ਸੰਭਾਲਦਿਆਂ ਹੀ ਉਹਨਾਂ ਵਲੋਂ ਕੱਚੀਆਂ ਜ਼ਮੀਨਾਂ ਵਿਚ ਫਸਲਾਂ ਦੇ ਹੜ੍ਹਾਂ ਦੌਰਾਨ ਹੋਏ ਨੁਕਸਾਨ ਸਬੰਧੀ ਵੇਰਵੇ ਇਕੱਤਰ ਕਰਕੇ ਹੜ੍ਹ ਪੀੜਤਾਂ ਨੂੰ ਤੁਰੰਤ ਮੁਆਵਜ਼ਾ ਰਾਸ਼ੀ ਜਾਰੀ ਕਰਨ ਦੇ ਆਦੇਸ਼ ਦਿੱਤੇ | ਇਸ ਮੌਕੇ ਮਿਲਣ ਲਈ ਪਹੁੰਚੇ ਕਾਮਰੇਡ ਹੰਸਾਂ ਸਿੰਘ ਅਤੇ ਹੋਰ ਇਲਾਕਾ ਨਿਵਾਸੀਆਂ ਨੂੰ ਉਹਨਾਂ ਭਰੋਸਾ ਦਿਵਾਇਆ ਕਿ ਦਫਤਰ ਵਿਚ ਆਉਣ ਵਾਲੇ ਵਿਅਕਤੀਆਂ ਦੇ ਕੰਮ ਬਿਨਾਂ ਕਿਸੇ ਦੇਰੀ ਦੇ ਤੁਰੰਤ ਕੀਤੇ ਜਾਇਆ ਕਰਨਗੇ | ਇਸ ਮੌਕੇ ਰੀਡਰ ਸੋਨੂੰ, ਕੰਪਿਊਟਰ ਓਪਰੇਟਰ ਮੋਨੂੰ ਮਹਿਤਾ, ਐਡਵੋਕੇਟ ਜਗੀਰ ਗਰੋਵਰ, ਵਸੀਕਾ ਨਵੀਸ ਸੰਜੀਵ ਅਰੋੜਾ, ਪਟਵਾਰੀ ਕੁਲਦੀਪ ਸਿੰਘ, ਪਟਵਾਰੀ ਸੁਖਵਿੰਦਰ ਸਿੰਘ, ਪਟਵਾਰੀ ਅਮਰੀਕ ਸਿੰਘ, ਸੰਨੀ ਮਹਿਤਾ, ਰਾਹੁਲ ਪੁਰੀ, ਹਰਨਾਮ ਸਿੰਘ, ਬਗ਼ੀਚਾ ਸਿੰਘ, ਬਲਦੇਵ ਸਿੰਘ ਸਮੇਤ ਹੋਰ ਵੀ ਤਹਿਸੀਲ ਦੇ ਮੁਲਾਜ਼ਮ ਅਤੇ ਇਲਾਕਾ ਨਿਵਾਸੀ ਹਾਜ਼ਰ ਸਨ |