ਫ਼ਿਰੋਜ਼ਪੁਰ , 28 ਜਨਵਰੀ (ਰਾਕੇਸ਼ ਚਾਵਲਾ)-ਜੀ.ਆਰ.ਪੀ ਪੁਲਿਸ ਵਲੋਂ 6 ਕਿੱਲੋ 900 ਗ੍ਰਾਮ ਪੋਸਤ ਲਾਵਾਰਸ ਹਾਲਤ 'ਚ ਬਰਾਮਦ ਕੀਤਾ ਗਿਆ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮੁੱਖ ਅਫਸਰ ਥਾਣਾ ਰੇਲਵੇ ਪੁਲਿਸ ਫਿਰੋਜ਼ਪੁਰ ਨਵੀਨ ਕੁਮਾਰ ਨੇ ਦੱਸਿਆ ਕਿ ਸਪੈਸ਼ਲ ਡਾਇਰੈਕਟਰ ਜਨਰਲ ਪੁਲਿਸ ਰੇਲਵੇ ਪੰਜਾਬ ਚੰਡੀਗੜ੍ਹ ਅਤੇ ਉਪ ਕਪਤਾਨ ਪੁਲਿਸ (ਜ਼ੋਨਲ) ਫਿਰੋਜ਼ਪੁਰ ਦੇ ਨਿਰਦੇਸ਼ਾਂ ਤਹਿਤ ਨਸ਼ਿਆਂ ਵਿਰੁੱਧ ਵਿੱਢੀ ਗਈ ਮੁਹਿੰਮ ਤਹਿਤ ਕਾਰਵਾਈ ਕਰਦੇ ਹੋਏ ਅੱਜ ਮਿਤੀ 28 ਜਨਵਰੀ ਨੂੰ ਏ.ਐਸ.ਆਈ ਜਤਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਭੈੜੇ ਵਾ ਸ਼ੱਕੀ ਵਿਅਕਤੀਆਂ ਦੀ ਚੈਕਿੰਗ ਦੇ ਸਬੰਧ ਵਿਚ ਰੇਲਵੇ ਸਟੇਸ਼ਨ ਫਿਰੋਜ਼ਪੁਰ ਕੈਂਟ ਮੌਜੂਦ ਸੀ ਤਾਂ ਰੇਲਵੇ ਯਾਰਡ ਏਰੀਆ ਵਿਚ ਇਕ ਪੀਲੇ ਰੰਗ ਦਾ ਗੱਟਾ ਪਲਾਸਟਿਕ ਲਾਵਾਰਸ ਹਾਲਾਤ ਵਿਚ ਮਿਲਿਆ | ਜਿਸ ਨੰੂ ਚੈੱਕ ਕਰਨ ਤੇ 6 ਕਿੱਲੋ 900 ਗ੍ਰਾਮ ਡੋਡਾ ਚੂਰਾ ਪੋਸਤ ਬਰਾਮਦ ਹੋਇਆ | ਜਿਸ 'ਤੇ ਮੁਕੱਦਮਾ ਨੰਬਰ 2 ਮਿਤੀ 28-01-2026 ਅ/ਧ 15/61/85 ਐਨ.ਡੀ.ਪੀ ਐੱਸ ਐਕਟ ਥਾਣਾ ਜੀ.ਆਰ.ਪੀ. ਫਿਰੋਜ਼ਪੁਰ ਬਰ ਖ਼ਿਲਾਫ਼ ਨਾਮ ਪਤਾ ਨਾ-ਮਾਲੂਮ ਦਰਜ ਰਜਿਸਟਰ ਕਰਕੇ ਤਫ਼ਤੀਸ਼ ਅਮਲ ਵਿਚ ਲਿਆਂਦੀ ਜਾ ਰਹੀ ਹੈ |
