ਮੋਗਾ, 19 ਅਪ੍ਰੈਲ (ਜਸਪਾਲ ਸਿੰਘ ਬੱਬੀ)-ਐੱਸ.ਡੀ. ਕਾਲਜ ਫਾਰ ਵੋਮੈਨ ਮੋਗਾ ਵਿਖੇ ਬੀ.ਏ, ਬੀ.ਸੀ.ਏ, ਪੀ.ਜੀ.ਡੀ.ਸੀ.ਏ, ਐਮ.ਐੱਸ.ਸੀ. (ਆਈ.ਟੀ), ਐਮ.ਏ. ਦੇ ਆਖਰੀ ਵਰੇ੍ਹ ਦੀਆਂ ਵਿਦਿਆਰਥਣਾਂ ਲਈ ਸ਼ਾਨਦਾਰ ਵਿਦਾਇਗੀ ਸਮਾਰੋਹ ਹੋਇਆ | ਪਿ੍ੰਸੀਪਲ ਡਾ. ਨੀਨਾ ਅਨੇਜਾ ਨੇ ਦੱਸਿਆ ਕਿ ਸਮਾਰੋਹ ਦਾ ਮੁੱਖ ਉਦੇਸ਼ ਵਿਦਿਆਰਥਣਾਂ ਨੂੰ ਸਨਮਾਨਿਤ ਵਿਦਾਈ ਦੇਣਾ ਅਤੇ ਉਨ੍ਹਾਂ ਦੀਆਂ ਯਾਦਗਾਰ ਘੜੀਆਂ ਨੂੰ ਸਾਂਝਾ ਕਰਨਾ ਹੈ | ਕਾਲਜ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਰਾਧੇਸ਼ ਸਿੰਗਲ ਤੇ ਸਕੱਤਰ ਡਾ. ਅਸ਼ੋਕ ਗਰਗ ਨੇ ਪ੍ਰਬੰਧਕੀ ਕਮੇਟੀ ਵਲੋਂ ਵਿਦਿਆਰਥਣਾਂ ਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਗਈਆਂ | ਕਨਵੀਨਰ ਡਾ. ਪਲਵਿੰਦਰ ਕੌਰ, ਸਹਾਇਕ ਪ੍ਰੋਫੈਸਰ ਸੁਸ਼ਮਾ ਗੁਪਤਾ ਅਤੇ ਡਾ. ਸਵਾਤੀ ਮਿੱਤਲ ਨੇ ਡਿਊਟੀ ਨਿਭਾਈ | ਵਿਦਿਆਰਥਣਾਂ ਵਲੋਂ ਗੀਤ-ਸੰਗੀਤ ਦੀਆਂ ਪੇਸ਼ਕਾਰੀਆਂ ਕੀਤੀਆਂ | ਸਟੇਜ ਸੰਚਾਲਨ ਅੰਕਿਤਾ, ਸੰਜਨਾ, ਭੂਮਿਕਾ ਅਤੇ ਰਾਜਵੀਰ ਵਲੋਂ ਕੀਤਾ ਗਿਆ | ਵੱਖ ਵੱਖ ਮੁਕਾਬਲਿਆਂ ਦੀ ਜੱਜਮੈਂਟ ਕਾਲਜ ਸਟਾਫ ਮੈਂਬਰ ਗਗਨਦੀਪ ਕੌਰ, ਮਨਦੀਪ ਸ਼ਰਮਾ, ਹਿਨਾ ਗੁਪਤਾ, ਡਾ.ਕੰਚਨ ਗੋਇਲ ਅਤੇ ਭਾਗਿਆ ਸ੍ਰੀ ਨੇ ਕੀਤੀ | ਇਸ ਮੌਕੇ ਵਿਦਿਆਰਥਣਾਂ ਨੂੰ ਯਾਦਗਾਰੀ ਤੋਹਫ਼ੇ ਭੇਟ ਕੀਤੇ ਗਏ | ਕਾਲਜ ਪ੍ਰਬੰਧਕੀ ਕਮੇਟੀ ਦੇ ਅਹੁਦੇਦਾਰ, ਐੱਸ.ਡੀ. ਸਕੂਲ ਦੇ ਪਿ੍ੰਸੀਪਲ ਡਾ. ਸੋਨੀਆ ਹਰਸ਼, ਸਰਕਾਰੀ ਕੰਨਿਆ ਸਕੂਲ ਮੋਗਾ ਲੈਕਚਰਾਰ ਸੰਦੀਪ ਸੇਠੀ ਸਮੇਤ ਵਿਦਿਆਰਥਣਾਂ ਹਾਜ਼ਰ ਸਨ |
