ਅੰਮਿ੍ਤਸਰ, 27 ਜਨਵਰੀ (ਸੁਰਿੰਦਰ ਕੋਛੜ)-ਆਪ੍ਰੇਸ਼ਨ ਸੰਧੂਰ 'ਚ ਹੋਈ ਹਾਰ ਤੋਂ ਬਾਅਦ ਪਾਕਿਸਤਾਨ ਦੀ ਭਰੋਸੇਯੋਗਤਾ ਅਤੇ ਉਸ ਦੀ ਫ਼ੌਜੀ ਦਰਜਾਬੰਦੀ ਡਿੱਗ ਗਈ ਹੈ | ਗਲੋਬਲ ਫਾਇਰ ਪਾਵਰ ਇੰਡੈੱਕਸ 2026 ਮੁਤਾਬਿਕ ਅਮਰੀਕਾ ਪਹਿਲੇ ਸਥਾਨ 'ਤੇ, ਰੂਸ ਦੂਜੇ ਅਤੇ ਚੀਨ ਤੀਜੇ ਸਥਾਨ 'ਤੇ ਹੈ | ਇਸੇ ਲੜੀ 'ਚ ਭਾਰਤ ਚੌਥੇ ਸਥਾਨ 'ਤੇ ਸਥਿਰ ਹੈ, ਜਦਕਿ ਪਾਕਿ ਹੁਣ 14ਵੇਂ ਸਥਾਨ 'ਤੇ ਆ ਗਿਆ ਹੈ | ਪਿਛਲੇ ਸਾਲ ਉਹ 12ਵੇਂ ਸਥਾਨ 'ਤੇ ਸੀ | ਦੱਸਿਆ ਜਾ ਰਿਹਾ ਹੈ ਕਿ ਗਲੋਬਲ ਫਾਇਰ ਪਾਵਰ ਨੇ 2026 ਲਈ ਆਪਣੀ ਫ਼ੌਜੀ ਤਾਕਤ ਦਰਜਾਬੰਦੀ ਜਾਰੀ ਕੀਤੀ ਹੈ |
