ਨਾਭਾ, 14 ਅਪ੍ਰੈਲ (ਜਗਨਾਰ ਸਿੰਘ ਦੁਲੱਦੀ)-ਰਿਆਸਤੀ ਸ਼ਹਿਰ ਨਾਭਾ ਸਥਿਤ ਪੀ.ਪੀ.ਐਸ. ਵਿਖੇ ਵਿਸਾਖੀ ਸਮਾਰੋਹ ਕਰਵਾਇਆ ਗਿਆ | ਸਕੂਲ ਹੈੱਡਮਾਸਟਰ ਡਾ. ਡੀਸੀ ਸ਼ਰਮਾ ਨੇ ਇਸ ਸਮਾਰੋਹ ਦਾ ਉਦਘਾਟਨ ਕੀਤਾ | ਵਿਸਾਖੀ ਮੇਲੇ ਦੌਰਾਨ ਵਿਦਿਆਰਥੀਆਂ ਦੇ ਪਸੰਦੀਦਾ ਵੱਖ-ਵੱਖ ਖੇਡਾਂ ਅਤੇ ਖਾਣ-ਪੀਣ ਦੀਆਂ ਚੀਜ਼ਾਂ ਦੇ ਸਟਾਲ ਲਗਾਏ ਗਏ ਸਨ | ਮੁੰਡਿਆਂ ਅਤੇ ਕੁੜੀਆਂ ਨੇ ਸਾਫ਼ਟ ਡਰਿੰਕ ਦੀਆਂ ਬੋਤਲਾਂ ਫੜਨ, ਗੋਲਫ ਪੁਟਿੰਗ, ਗੋਲ ਸਕੋਰਿੰਗ (ਫੁੱਟਬਾਲ), ਗੇਂਦਬਾਜ਼ੀ ਲਈ ਇਕ ਸਟੰਪ, ਹਾਕੀ ਸਕੂਪ, ਜੈਬਰਵੌਕੀ, ਸਿੱਕਾ ਬਾਲਟੀ, ਹੂਪਲਾ (ਰਿੰਗ ਅਤੇ ਕੈਰੀ), ਕਾਰ ਰੇਸ/ਡਾਇਸ ਗੇਮ, ਐਜਿਲਿਟੀ ਲੈਡਰ ਟਵਿਸਟ, ਕੈਨ ਟੌਪਲਿੰਗ, ਬਾਸਕਟਬਾਲ ਥਰੂ ਏ ਟਾਇਰ, ਡਾਰਟ ਸ਼ੂਟਿੰਗ, ਘੋੜ ਸਵਾਰੀ ਅਤੇ ਜੂਕ ਬਾਕਸ ਦਾ ਆਨੰਦ ਮਾਣਿਆ | ਤੰਬੋਲਾ ਖੇਡ ਨੇ ਵਿਦਿਆਰਥੀਆਂ ਦੇ ਉਤਸ਼ਾਹ ਵਿਚ ਹੋਰ ਵਾਧਾ ਕੀਤਾ | ਆਰਟ, ਫ਼ੋਟੋਗਰਾਫੀ, ਭੂਗੋਲ, ਆਈ.ਟੀ. ਅਤੇ ਰੋਬੋਟਿਕਸ, ਗਣਿਤ, ਰਸਾਇਣ ਵਿਗਿਆਨ, ਭੌਤਿਕ ਵਿਗਿਆਨ, ਜੀਵ ਵਿਗਿਆਨ, ਇਤਿਹਾਸ, ਸੰਗੀਤ ਅਤੇ ਬੈਂਡ ਵਿਭਾਗਾਂ ਨੇ ਪ੍ਰਦਰਸ਼ਨੀਆਂ ਵੀ ਲਗਾਈਆਂ | ਸਮਾਰੋਹ ਤੋਂ ਪਹਿਲਾਂ ਆਯੋਜਿਤ ਇੱਕ ਵਿਸੇਸ ਸਭਾ ਦੌਰਾਨ ਵਿਦਿਆਰਥੀਆਂ ਵੱਲੋਂ ਅੰਗਰੇਜ਼ੀ, ਹਿੰਦੀ ਅਤੇ ਪੰਜਾਬੀ ਵਿਚ ਇਸ ਦਿਨ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ ਗਿਆ | ਸਕੂਲ ਵਿਦਿਆਰਥੀਆਂ ਨੇ ਦੇਸ਼ ਭਗਤੀ ਗੀਤ ਪੇਸ਼ ਕੀਤੇ | ਇਸ ਸਮਾਗਮ ਵਿਚ ਬਰਸਰ ਡਾ. ਅੰਕੁਰ ਸੈਮੂਅਲ ਬਿਰਕੇਟ, ਓ.ਡੀ.ਐਚ.ਐਮ. ਰਵਿੰਦਰ ਕੌਰ ਅਤੇ ਫੈਕਲਟੀ ਦੇ ਬਾਕੀ ਮੈਂਬਰ ਸ਼ਾਮਲ ਹੋਏ |
