ਚੰਡੀਗੜ, 16 ਮਈ (ਅ.ਬ.)- ਫੋਰਟਿਸ ਹਸਪਤਾਲ ਮੋਹਾਲੀ ਨੇ ਇੱਕ ਦੁਰਲੱਭ ਅਤੇ ਬਹੁਤ ਹੀ ਗੁੰਝਲਦਾਰ ਤਿੰਨ-ਪੱਖੀ ਕਿਡਨੀ ਪੇਅਰਡ ਦਾਨ ਸਫਲਤਾਪੂਰਵਕ ਕੀਤਾ ਹੈ, ਜਿਸ ਨੂੰ 'ਟਿ੍ਪਲ ਸਵੈਪ' ਕਿਡਨੀ ਟਰਾਂਸਪਲਾਂਟ ਵਜੋਂ ਜਾਣਿਆ ਜਾਂਦਾ ਹੈ | ਇਸ ਸਰਜਰੀ ਦੇ ਨਾਲ ਅੰਤਮ-ਪੜਾਅ ਦੇ ਗੁਰਦੇ ਦੀ ਬਿਮਾਰੀ ਤੋਂ ਪੀੜਤ ਤਿੰਨ ਮਰੀਜ਼ਾਂ ਨੂੰ ਜੀਵਨ ਦਾ ਇੱਕ ਨਵਾਂ ਲੀਜ਼ ਪ੍ਰਦਾਨ ਕਰਦਾ ਹੈ | ਇਹ ਇਤਿਹਾਸਕ ਪ੍ਰਕਿਰਿਆ ਅੰਗ ਟ੍ਰਾਂਸਪਲਾਂਟੇਸ਼ਨ ਵਿਚ ਇੱਕ ਮਹੱਤਵਪੂਰਨ ਤਰੱਕੀ ਨੂੰ ਦਰਸਾਉਂਦੀ ਹੈ ਤੇ ਦਾਨੀ ਅਸੰਗਤਤਾ ਚੁਨੌਤੀਆਂ ਨੂੰ ਦੂਰ ਕਰਨ ਵਿਚ ਇਨੋਵੇਟਿਵ ਟਰਾਂਸਪਲਾਂਟ ਪ੍ਰੋਗਰਾਮਾਂ ਦੀ ਵੱਧ ਰਹੀ ਭੂਮਿਕਾ ਨੂੰ ਉਜਾਗਰ ਕਰਦੀ ਹੈ | ਜੀਵਨ-ਰੱਖਿਅਕ ਸਰਜਰੀ ਡਾ. ਸਾਹਿਲ ਰੈਲੀ ਕੰਸਲਟੈਂਟ ਕਿਡਨੀ ਟਰਾਂਸਪਲਾਂਟ ਅਤੇ ਡਾ. ਏਨਾ ਗੁਪਤਾ ਕੰਸਲਟੈਂਟ ਰੇਨਲ ਸਾਇੰਸਜ਼ ਤੇ ਕਿਡਨੀ ਟਰਾਂਸਪਲਾਂਟ ਦੀ ਅਗਵਾਈ ਵਿਚ ਡਾਕਟਰਾਂ ਦੀ ਇੱਕ ਟੀਮ ਦੁਆਰਾ ਕੀਤੀ ਗਈ ਸੀ | ਇਸ ਪ੍ਰਕਿਰਿਆ ਵਿਚ ਤਿੰਨ ਦਾਨੀ ਤੇ ਤਿੰਨ ਪ੍ਰਾਪਤ ਕਰਤਾ ਜੋੜੇ ਸ਼ਾਮਲ ਸਨ ਜੋ ਖੂਨ ਸਮੂਹ ਦੇ ਮੇਲ ਨਾ ਖਾਣ ਕਾਰਨ ਟਰਾਂਸਪਲਾਂਟ ਕਰਵਾਉਣ ਵਿਚ ਅਸਮਰਥ ਸਨ | ਟਿ੍ਪਲ ਸਵੈਪ ਮਾਡਲ ਰਾਹੀਂ ਹਰੇਕ ਦਾਨੀ ਨੇ ਦੂਜੇ ਪਰਿਵਾਰ ਵਿਚ ਇੱਕ ਅਨੁਕੂਲ ਪ੍ਰਾਪਤ ਕਰਤਾ ਨੂੰ ਇੱਕ ਗੁਰਦਾ ਦਾਨ ਕੀਤਾ, ਟਰਾਂਸਪਲਾਂਟ ਦੀ ਇੱਕ ਸਰਕੁਲਰ ਲੜੀ ਬਣਾਈ ਜਿਸ ਨੇ ਤਿੰਨਾਂ ਮਰੀਜ਼ਾਂ ਨੂੰ ਸਫਲਤਾਪੂਰਵਕ ਅਨੁਕੂਲ ਅੰਗ ਪ੍ਰਾਪਤ ਕਰਨ ਦੇ ਯੋਗ ਬਣਾਇਆ | ਇਸ ਬਹੁਤ ਹੀ ਤਾਲਮੇਲ ਵਾਲੀ ਸਰਜਰੀ ਵਿਚ ਤਿੰਨ ਆਪੇ੍ਰਸ਼ਨ ਥੀਏਟਰਾਂ ਵਿਚ ਲਗਭਗ 10 ਤੋਂ 11 ਘੰਟਿਆਂ ਵਿਚ ਇੱਕੋ ਸਮੇਂ ਛੇ ਓਪਰੇਸ਼ਨ ਕੀਤੇ ਗਏ | ਇਹ ਪ੍ਰਕਿਰਿਆ 20 ਤੋਂ ਵੱਧ ਸਿਹਤ ਮਾਹਿਰਾਂ ਦੀ ਇੱਕ ਮਲਟੀ-ਡਿਲਪਲਨਰੀ ਟੀਮ ਦੁਆਰਾ ਕੀਤੀ ਗਈ ਸੀ ਜਿਸ ਦੀ ਅਗਵਾਈ ਡਾ. ਸਾਹਿਲ ਰੈਲੀ ਕੰਸਲਟੈਂਟ ਕਿਡਨੀ ਟਰਾਂਸਪਲਾਂਟ, ਡਾ. ਰੋਹਿਤ ਢਡਵਾਲ ਸੀਨੀਅਰ ਕੰਸਲਟੈਂਟ ਯੂਰੋਲੋਜੀ ਐਂਡਰੋਲੋਜੀ ਅਤੇ ਰੋਬੋਟਿਕ ਸਰਜਰੀ ਵਿਭਾਗ, ਡਾ. ਏਨਾ ਗੁਪਤਾ ਕੰਸਲਟੈਂਟ ਰੇਨਲ ਸਾਇੰਸਜ਼ ਤੇ ਕਿਡਨੀ ਟਰਾਂਸਪਲਾਂਟ, ਡਾ. ਅਮਿਤ ਕੁਮਾਰ ਮੁਖੀ ਅਨਸਥੀਸੀਆ, ਡਾ. ਅੰਜਨਾ ਸ਼ਰਮਾ ਸੀਨੀਅਰ ਕੰਸਲਟੈਂਟ, ਅਨਸਥੀਸੀਆਓਲੋਜੀ, ਡਾ. ਜਸਮੀਤ ਕੌਰ ਸੀਨੀਅਰ ਕੰਸਲਟੈਂਟ ਅਨਸਥੀਸੀਆਓਲੋਜੀ, ਡਾ. ਦਿਨੇਸ਼ ਕੁਮਾਰ ਕੰਸਲਟੈਂਟ ਅਨਸਥੀਸੀਆਓਲੋਜੀ, ਡਾ. ਰਾਜੇਸ਼ ਕੁਮਾਰ ਹਰੀਸ਼ ਕੰਸਲਟੈਂਟ ਅਨਸਥੀਸੀਆਓਲੋਜੀ ਅਤੇ
