ਲੁਧਿਆਣਾ

ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਸ਼ਬਦ ਗਾਇਣ ਮੁਕਾਬਲੇ ਵਿਚ ਖੱਟਿਆ ਨਾਮਣਾ

ਅ

ਅਜੀਤ ਡੈਸਕ 21-10-2026

ਆਲਮਗੀਰ, 20 ਅਕਤੂਬਰ (ਜਰਨੈਲ ਸਿੰਘ ਪੱਟੀ)-ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਗਿੱਲ ਪਾਰਕ ਨੇ ਇਕ ਹੋਰ ਪ੍ਰਾਪਤੀ ਆਪਣੇ ਨਾਮ ਕੀਤੀ ਹੈ। ਸੰਤ ਕਰਤਾਰ ਸਿੰਘ ਕਮਾਲੀਆ ਵਾਲੇ ਇੰਸਟੀਚਿਊਟ ਵਲੋਂ ਕਰਵਾਏ ਗਏ ‘ਸਰਦਾਰਨੀ ਅਜੀਤ ਕੌਰ ਮੈਮੋਰੀਅਲ ਅੰਤਰ-ਸਕੂਲ ਸ਼ਬਦ ਗਾਇਣ ਮੁਕਾਬਲੇ’ ਵਿਚ ਸਕੂਲ ਦੀ ਟੀਮ ਨੇ 15 ਟੀਮਾਂ ਵਿਚੋਂ ਤੀਜਾ ਸਥਾਨ ਹਾਸਲ ਕੀਤਾ। ਸ਼ਬਦਾਂ ਦੇ ਸੁਰੀਲੇ ਗਾਇਣ ਅਤੇ ਭਾਵਪੂਰਤ ਪੇਸ਼ਕਾਰੀ ਲਈ ਟੀਮ ਨੂੰ ਇਕ ਟਰਾਫ਼ੀ ਅਤੇ 1,100 ਰੁਪਏ ਦਾ ਨਗਦ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਹੀ 11ਵੀਂ ਜਮਾਤ ਸਾਇੰਸ ਦੀ ਵਿਦਿਆਰਥਣ ਜਾਪਨੀਤ ਕੌਰ ਨੇ ਆਪਣੀ ਸ਼ਾਨਦਾਰ ਨਿੱਜੀ ਕਾਰਗੁਜ਼ਾਰੀ ਲਈ ‘ਬੈੱਸਟ ਵੋਕਲਿਸਟ’ ਸਭ ਤੋਂ ਵਧੀਆ ਗਾਇਕ ਦਾ ਪੁਰਸਕਾਰ ਜਿੱਤ ਕੇ ਸੰਸਥਾ ਦਾ ਮਾਣ ਵਧਾਇਆ। ਸਕੂਲ ਦੀ ਟੀਮ ਵਿਚ ਅਵੀਰੂਪ ਕੌਰ 10ਵੀਂ ਜਮਾਤ, ਅਨਮੋਲਦੀਪ ਕੌਰ 9ਵੀਂ ਜਮਾਤ, ਹਰਦੀਪ ਕੌਰ 10ਵੀਂ ਜਮਾਤ, ਜਾਪਨੀਤ ਕੌਰ ਤੇ ਦਮਨਪ੍ਰੀਤ ਕੌਰ 11ਵੀਂ ਜਮਾਤ, ਸ਼ੁਬਨਿਮਰਤ ਕੌਰ 6ਵੀਂ ਜਮਾਤ ਅਤੇ ਗੁਰਦੀਪ ਸਿੰਘ 8ਵੀਂ ਜਮਾਤ ਸ਼ਾਮਿਲ ਸਨ। ਉਨ੍ਹਾਂ ਦੀ ਸਮੂਹਿਕ ਲਗਨ, ਸੰਗੀਤਕ ਪ੍ਰਤਿਭਾ ਅਤੇ ਸਖ਼ਤ ਅਭਿਆਸ ਸਦਕਾ ਹੀ ਇਹ ਸ਼ਾਨਦਾਰ ਪ੍ਰਾਪਤੀ ਸੰਭਵ ਹੋ ਸਕੀ। ਜੇਤੂਆਂ ਨੂੰ ਵਧਾਈ ਦਿੰਦਿਆਂ ਸਕੂਲ ਦੀ ਪ੍ਰਿੰਸੀਪਲ ਹਰਮੀਤ ਕੌਰ ਵੜੈਚ ਨੇ ਕਿਹਾ ਕਿ ਅਜਿਹੀਆਂ ਪ੍ਰਾਪਤੀਆਂ ਇਹ ਦਰਸਾਉਂਦੀਆਂ ਹਨ ਕਿ ਸਾਡੇ ਵਿਦਿਆਰਥੀ ਪੰਜਾਬ ਦੀ ਅਮੀਰ ਅਧਿਆਤਮਿਕ ਅਤੇ ਸਭਿਆਚਾਰਕ ਵਿਰਾਸਤ ਨੂੰ ਸੰਭਾਲਣ ਲਈ ਕਿੰਨੇ ਸਮਰਪਿਤ ਹਨ। ਅਜਿਹੇ ਮੁਕਾਬਲੇ ਉਨ੍ਹਾਂ ਦੇ ਆਤਮ-ਵਿਸ਼ਵਾਸ, ਅਨੁਸ਼ਾਸਨ ਅਤੇ ਕਲਾਤਮਕ ਨਿਪੁੰਨਤਾ ਨੂੰ ਵੀ ਨਿਖਾਰਦੇ ਹਨ।

ਪਿਛਲੀ ਖ਼ਬਰ ਪੀ . ਏ . ਯੂ. ਦੇ ਖੇਤੀਬਾੜੀ ਕਾਲਜ ਦੀ ਐਲੂਮਨੀ ਐਸੋਸੀਏਸ਼ਨ ਵਲੋਂ ਉਪ ਕੁਲਪਤੀ ਦਾ ਸਵਾਗਤ ਅਗਲੀ ਖ਼ਬਰ ਮਾਲਵਾ ਸੈਂਟਰਲ ਕਾਲਜ ਆਫ਼ ਐਜੂਕੇਸ਼ਨ ਵਲੋਂ ਦਾਨ ਉਤਸਵ ਵਿਚ ਸ਼ਮੂਲੀਅਤ