ਅਧਿਆਪਕਾ ਰਤਵੰਤ ਕੌਰ ਨੂੰ ਸੇਵਾਮੁਕਤ ਹੋਣ 'ਤੇ ਦਿੱਤੀ ਵਿਦਾਇਗੀ ਪਾਰਟੀ <br/>

ਜੰਡਿਆਲਾ ਗੁਰੂ, 8 ਮਾਰਚ (ਪ੍ਰਮਿੰਦਰ ਸਿੰਘ ਜੋਸਨ)-ਸੇਂਟ ਫਰਾਂਸਿਸ ਕਾਨਵੈਂਟ ਸੀਨੀਅਰ ਸੈਕੰਡਰੀ ਸਕੂਲ ਜੰਡਿਆਲਾ ਗੁਰੂ ਦੀ ਅਧਿਆਪਕਾ ਰਤਵੰਤ ਕੌਰ ਨੂੰ 30 ਸਾਲ ਦੀਆਂ ਸ਼ਾਨਦਾਰ ਸੇਵਾਵਾਂ ਨਿਭਾਅ ਕੇ ਸੇਵਾ ਮੁਕਤ ਹੋਣ ਤੇ ਸਕੂਲ ਦੀ ਪਿ੍ੰਸੀਪਲ ਸਿਸਟਰ ਰਿੰਸੀ ਅਤੇ ਸਕੂਲ ਸਟਾਫ ਵਲੋਂ ਨਿੱਘੀ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਸੇਂਟ ਫਰਾਂਸਿਸ ਕਾਨਵੈਂਟ ਸੀਨੀਅਰ ਸੈਕੰਡਰੀ ਸਕੂਲ ਜੰਡਿਆਲਾ ਗੁਰੂ ਦੀ ਪਿ੍ੰਸੀਪਲ ਸਿਸਟਰ ਰਿੰਸੀ ਨੇ ਅਧਿਆਪਕਾ ਰਤਵੰਤ ਕੌਰ ਵਲੋਂ ਸਕੂਲ ਵਿਚ 30 ਸਾਲ ਨਿਭਾਈਆਂ ਸੇਵਾਵਾਂ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀਆਂ ਸੇਵਾਵਾਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ | ਸਕੂਲ ਦੇ ਅਧਿਆਪਕਾਂ ਨੇ ਸੇਵਾ ਮੁਕਤ ਹੋਈ ਅਧਿਆਪਕਾ ਰਤਵੰਤ ਕੌਰ ਦੇ ਵਿਦਾਇਗੀ ਸਮਾਰੋਹ 'ਚ ਵਿਦਾਇਗੀ ਸਬੰਧੀ ਗੀਤ ਗਾਇਨ ਕੀਤੇ ਅਤੇ ਉਨ੍ਹਾਂ ਵਲੋਂ ਬੱਚਿਆਂ ਨੂੰ ਦਿੱਤੀ ਗਈ ਸਿੱਖਿਆ, ਉਨ੍ਹਾਂ ਦੇ ਚੰਗੇ ਵਿਹਾਰ ਸੰਬੰਧੀ ਚਾਨਣਾਂ ਪਾਇਆ | ਸਕੂਲ ਦੀ ਪਿ੍ੰਸੀਪਲ ਸਿਸਟਰ ਰਿੰਸੀ ਅਤੇ ਸਕੂਲ ਦੇ ਸਟਾਫ ਨੇ ਅਧਿਆਪਕਾ ਰਤਵੰਤ ਕੌਰ ਨੂੰ ਵਿਦਾਇਗੀ ਸਮਾਰੋਹ ਮੌਕੇ ਵਿਸ਼ੇਸ਼ ਤੌਰ 'ਤੇ ਤੋਹਫ਼ੇ ਦੇ ਕੇ ਸਨਮਾਨ ਕੀਤਾ ਅਤੇ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਅਧਿਆਪਕਾ ਰਤਵੰਤ ਕੌਰ ਨੇ ਸਕੂਲ ਦੇ ਡਾਇਰੈਕਟਰ ਫਾਦਰ ਪੌਲ ਰੌਏ, ਪਿ੍ੰਸੀਪਲ ਸਿਸਟਰ ਰਿੰਸੀ ਅਤੇ ਸਕੂਲ ਸਟਾਫ ਦਾ ਉਨ੍ਹਾਂ ਨੂੰ ਹਰ ਸਮੇਂ ਸਹਿਜੋਗ ਦੇਣ ਤੇ ਉਨ੍ਹਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ |