20-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-01-2026

ਸਕਿੱਲ ਡਿਵੈੱਲਪਮੈਂਟ ਵਰਕਸ਼ਾਪ 'ਟੈਲੀ ਪ੍ਰਾਈਮ: ਬਿ੍ਜਿੰਗ ਅਕੈਡਮੀਆ ਐਂਡ ਇੰਡਸਟਰੀ' ਕਰਵਾਈ

ਸਕਿੱਲ ਡਿਵੈਲਪਮੈਂਟ ਵਰਕਸ਼ਾਪ 'ਟੈਲੀ ਪ੍ਰਾਈਮ: ਬਿ੍ਜਿੰਗ ਅਕੈਡਮੀਆ ਐਂਡ ਇੰਡਸਟਰੀ' ਦੌਰਾਨ ਪ੍ਰੋ: ਬਲਵਿੰਦਰ ਸਿੰਘ ਤੇ ਹੋਰ | ਤਸਵੀਰ : ਹਰਜੀਤ ਸਿੰਘ <br/> 21-01-2026
ਅੰਮਿ੍ਤਸਰ, 20 ਜਨਵਰੀ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਗੋਲਡਨ ਜੁਬਲੀ ਸੈਂਟਰ ਫਾਰ ਐਂਟਰਪ੍ਰੀਨਿਊਰਸ਼ਿਪ ਐਂਡ ਇਨੋਵੇਸ਼ਨ (ਜੀਜੇਸੀਈਆਈ) ਨੇ ਪੰਜ ਦਿਨਾਂ ਦੀ ਸਕਿੱਲ ਡਿਵੈਲਪਮੈਂਟ ਵਰਕਸ਼ਾਪ 'ਟੈਲੀ ਪ੍ਰਾਈਮ: ਬਿ੍ਜਿੰਗ ਅਕੈਡਮੀਆ ਐਂਡ ਇੰਡਸਟਰੀ' ਸਫਲਤਾਪੂਰਵਕ ਆਯੋਜਿਤ ਕੀਤੀ | ਯੂਨੀਵਰਸਿਟੀ ਦੇ ਉਪ ਕੁਲਪਤੀ ਪ੍ਰੋ: ਡਾ. ਕਰਮਜੀਤ ਸਿੰਘ ਦੀ ਅਗਵਾਈ ਹੇਠ ਇਹ ਵਰਕਸ਼ਾਪ ਵਿਦਿਆਰਥੀਆਂ ਨੂੰ ਉਦਯੋਗ ਨਾਲ ਜੁੜੀ ਸਿੱਖਿਆ ਅਤੇ ਰੁਜ਼ਗਾਰ ਯੋਗਤਾ ਵਧਾਉਣ ਲਈ ਕੀਤੀ ਗਈ | ਉਦਘਾਟਨੀ ਸੈਸ਼ਨ ਵਿਚ ਜੀਜੇਸੀਈਆਈ ਕੋਆਰਡੀਨੇਟਰ ਡਾ. ਬਲਵਿੰਦਰ ਸਿੰਘ ਨੇ ਸੰਬੋਧਨ ਕਰਦਿਆਂ ਕਾਰਪੋਰੇਟ ਅਤੇ ਐਂਟਰਪ੍ਰੀਨਿਊਰਸ਼ਿਪ ਖੇਤਰ ਵਿਚ ਟੈਲੀ ਮਾਹਿਰਾਂ ਦੀ ਵਧਦੀ ਮੰਗ 'ਤੇ ਜ਼ੋਰ ਦਿੱਤਾ | ਜੀਜੇਸੀਈਆਈ ਦੀ ਡਿਪਟੀ ਕੋਆਰਡੀਨੇਟਰ ਅਤੇ ਯੂਨੀਵਰਸਿਟੀ ਸਕੂਲ ਆਫ਼ ਫਾਈਨੈਂਸ਼ੀਅਲ ਸਟੱਡੀਜ਼ ਦੀ ਹੈੱਡ ਡਾ. ਅਪਰਨਾ ਭਾਟੀਆ ਨੇ ਕਿਹਾ ਕਿ ਵਰਕਸ਼ਾਪ ਯੂਨੀਵਰਸਿਟੀ ਦੇ ਅਨੁਭਵ-ਅਧਾਰਿਤ ਅਤੇ ਸਕਿੱਲ-ਅਧਾਰਿਤ ਸਿੱਖਿਆ ਦੇ ਮਿਸ਼ਨ ਨਾਲ ਪੂਰੀ ਤਰ੍ਹਾਂ ਜੁੜੀ ਹੋਈ ਹੈ | ਉਨ੍ਹਾਂ ਡਾ. ਬਲਵਿੰਦਰ ਸਿੰਘ ਦੇ ਵਿਹਾਰਕ ਟ੍ਰੇਨਿੰਗ ਪ੍ਰੋਗਰਾਮਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਈਵੈਂਟ ਕੋਆਰਡੀਨੇਟਰ ਡਾ. ਨਿਸ਼ਚੇ ਅਰੋੜਾ ਤੇ ਡਿਪਟੀ ਈਵੈਂਟ ਕੋਆਰਡੀਨੇਟਰ ਡਾ. ਮੇਘਾ ਦੇ ਸੰਚਾਲਨ ਦੀ ਵੀ ਪ੍ਰਸ਼ੰਸਾ ਕੀਤੀ | ਰਿਸੋਰਸ ਪਰਸਨ ਸੀਏ ਸਮਿ੍ਤੀ ਅਤੇ ਸ੍ਰੀਮਤੀ ਸਿਮਰਨਪਾਲ ਕੌਰ ਨੇ ਪੂਰੇ ਪੰਜ ਦਿਨਾਂ ਦੌਰਾਨ ਟੈਕਨੀਕਲ ਸੈਸ਼ਨਾਂ ਚਲਾਈਆਂ | ਇਨ੍ਹਾਂ ਵਿਚ ਟੈਲੀ ਪ੍ਰਾਈਮ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ ਜਿਵੇਂ ਕੰਪਨੀ ਬਣਾਉਣਾ, ਲੇਜਰ ਅਤੇ ਵਾਊਚਰ ਐਂਟਰੀ, ਜੀਐੱਸਟੀ ਕਨਫਿਗਰੇਸ਼ਨ, ਰਿਟਰਨ ਤਿਆਰ ਕਰਨਾ, ਇਨਵੈਂਟਰੀ ਮੈਨੇਜਮੈਂਟ, ਪੇਰੋਲ ਬੇਸਿਕਸ ਅਤੇ ਫਾਈਨੈਂਸ਼ੀਅਲ ਸਟੇਟਮੈਂਟਸ ਬਣਾਉਣਾ ਸ਼ਾਮਲ ਸਨ | ਲਾਈਵ ਡੈਮੋ ਅਤੇ ਪ੍ਰੈਕਟੀਕਲ ਐਕਸਰਸਾਈਜ਼ ਨਾਲ ਵਿਦਿਆਰਥੀਆਂ ਨੂੰ ਇੰਡਸਟਰੀ ਪ੍ਰੈਕਟਿਸ ਦਾ ਅਸਲ ਅਨੁਭਵ ਮਿਲਿਆ | ਸਮਾਪਤੀ ਸੈਸ਼ਨ ਵਿਚ ਡਾ. ਅਪਰਨਾ ਭਾਟੀਆ ਨੇ ਪ੍ਰਧਾਨਗੀ ਕੀਤੀ ਅਤੇ ਵਰਕਸ਼ਾਪ ਦੀ ਯੋਜਨਾ ਤੇ ਅਮਲ ਲਈ ਡਾ. ਨਿਸ਼ਚੇ ਅਰੋੜਾ ਅਤੇ ਡਾ. ਮੇਘਾ ਦੀ ਸ਼ਲਾਘਾ ਕੀਤੀ |
ਪਿਛਲੀ ਖ਼ਬਰ ਪਿੰਡ ਨੰਗਲੀ ਕਲਾਂ ਵਿਖੇ ਨਵ- ਜਨਮੀਆਂ ਧੀਆਂ ਦੀ ਲੋਹੜੀ ਮਨਾਈ <br/> ਅਗਲੀ ਖ਼ਬਰ ਨਿਗਮ ਦੇ ਵਧੀਕ ਕਮਿਸ਼ਨਰ ਨੇ ਸਰਵਉੱਚ ਅਦਾਲਤ ਦੇ ਹੁਕਮਾਂ ਦੀ ਪਾਲਣਾ ਲਈ ਆਵਾਰਾ ਕੁੱਤਿਆਂ ਦੇ ਮਾਮਲੇ ਨੂੰ ਲੈ ਕੇ ਅਧਿਕਾਰ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।