ਅਬੋਹਰ, 8 ਮਾਰਚ (ਤੇਜਿੰਦਰ ਸਿੰਘ ਖ਼ਾਲਸਾ)- ਆਸ਼ਾ ਵਰਕਰ ਫੈਸਿਲੀਟੇਟਰਜ਼ ਸਾਂਝਾ ਮੋਰਚਾ ਪੰਜਾਬ ਜਥੇਬੰਦੀ ਦੇ ਅਬੋਹਰ ਬਲਾਕ ਅਤੇ ਸੀਤੋ ਗੰੁਨੋ੍ਹ ਬਲਾਕ ਦੇ ਵਫ਼ਦ ਵਲੋਂ ਉਪ ਮੰਡਲ ਮੈਜਿਸਟਰੇਟ ਰਵਿੰਦਰ ਸਿੰਘ ਅਰੋੜਾ ਨੂੰ ਮੰਗਾਂ ਬਾਬਤ ਮੰਗ ਪੱਤਰ ਦਿੱਤਾ ਗਿਆ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਬਲਕਰਨ ਕੌਰ, ਰੇਸ਼ਮਾ ਦੇਵੀ ਅਤੇ ਰਾਜਵਿੰਦਰ ਕੌਰ ਨੇ ਦੱਸਿਆ ਕਿ ਆਸ਼ਾ ਵਰਕਰਾਂ ਅਤੇ ਆਸ਼ਾ ਫੈਸਿਲੀਟੇਟਰਜ਼ ਭੈਣਾਂ ਨੂੰ ਬਿਨਾ ਮਾਣ ਭੱਤਾ ਦਿੱਤੇ 10 ਲੱਖ ਵਾਲੇ ਕਾਰਡ ਬਣਾਏ ਜਾਣ ਦਾ ਦਬਾਅ ਪਾਇਆ ਜਾ ਰਿਹਾ ਹੈ | ਜਿਸ ਵਿਚ ਜਥੇਬੰਦੀ ਨੇ ਮੀਟਿੰਗ ਕਰਦੇ ਹੋਏ ਮਾਣ ਭੱਤਾ ਨਾ ਦੇਣ 'ਤੇ ਵਾਧੂ ਦੇ ਕੰਮਾਂ ਦਾ ਪੂਰਨ ਤੌਰ ਬਾਈਕਾਟ ਕਰਨ ਦਾ ਫ਼ੈਸਲਾ ਲਿਆ ਹੈ | ਜਿਸ ਬਾਬਤ ਉਨ੍ਹਾਂ ਉਪ ਮੰਡਲ ਮੈਜਿਸਟਰੇਟ ਨੂੰ ਮੰਗ ਪੱਤਰ ਦਿੰਦੇ ਹੋਏ ਵਾਧੂ ਦੇ ਕੰਮਾਂ ਲਈ ਮਾਣ ਭੱਤਾ ਜਾਰੀ ਕਰਵਾਉਣ ਦੀ ਮੰਗ ਕੀਤੀ ਹੈ |
