ਬਟਾਲਾ, 20 ਅਪ੍ਰੈਲ (ਸਤਿੰਦਰ ਸਿੰਘ)- ਵੇਦ ਕੌਰ ਆਰੀਆ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਕਾਦੀਆਂ ਨੇ ਸਕੂਲ ਦੇ ਪਿੰ੍ਰਸੀਪਲ ਮਮਤਾ ਡੋਗਰਾ ਦੀ ਅਗਵਾਈ ਹੇਠ ਮਹਾਤਮਾ ਹੰਸ ਰਾਜ ਦਿਵਸ ਉਤਸ਼ਾਹ ਨਾਲ ਮਨਾਇਆ | ਸਕੂਲ ਵਿਚ ਹਵਨ ਕੀਤਾ ਗਿਆ | ਬੱਚਿਆਂ ਨੇ ਭਾਸ਼ਣ ਦੁਆਰਾ ਮਹਾਤਮਾ ਹੰਸ ਰਾਜ ਦੀ ਜੀਵਨੀ 'ਤੇ ਰੌਸ਼ਨੀ ਪਾਈ | ਪਿ੍ੰਸੀਪਲ ਨੇ ਬੱਚਿਆਂ ਨੂੰ ਦੱਸਿਆ ਕਿ ਮਹਾਤਮਾ ਹੰਸ ਰਾਜ ਇਕ ਮਹਾਨ ਆਰੀਆ ਸਮਾਜੀ ਨੇਤਾ, ਸਮਾਜ ਸੁਧਾਰਕ ਵੀ ਸਨ | ਉਨ੍ਹਾਂ ਬੱਚਿਆਂ ਨੂੰ ਆਪਣੀ ਜ਼ਿੰਦਗੀ ਵਿਚ ਉਨ੍ਹਾਂ ਦੀਆਂ ਸਿੱਖਿਆਵਾਂ ਅਪਣਾਉਣ ਲਈ ਪ੍ਰੇਰਿਤ ਕੀਤਾ | ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ਼ ਸ਼ਮਾ ਮਹਾਜਨ, ਰੇਨੂਕਾ ਖੋਸਲਾ, ਰੰਜੂ ਬਾਲਾ, ਨੀਤੀ ਅਤੇ ਕਣਿਕਾ ਮਹਾਜਨ ਵੀ ਮੌਜੂਦ ਸਨ |