ਪਠਾਨਕੋਟ, 29 ਜਨਵਰੀ (ਸੰਧੂ)-ਵਾਰੀਅਰਜ਼ ਸੋਸ਼ਲ ਵੈਲਫੇਅਰ ਕਲੱਬ ਵਲੋਂ ਪ੍ਰਧਾਨ ਸੁਸ਼ੀਲ ਮਹਿੰਦਰੂ ਦੀ ਅਗਵਾਈ 'ਚ ਇੰਪਰੂਵਮੈਂਟ ਟਰੱਸਟ ਪਠਾਨਕੋਟ ਦੇ ਨਵ-ਨਿਯੁਕਤ ਚੇਅਰਮੈਨ ਸੌਰਭ ਬਹਿਲ ਨੂੰ ਬੁੱਕਾ ਭੇਟ ਕਰਕੇ ਤੇ ਫੁੱਲਾਂ ਦੇ ਹਾਰ ਪਾ ਕੇ ਸਨਮਾਨਿਤ ਕੀਤਾ ਗਿਆ | ਸਨਮਾਨਿਤ ਕਰਨ ਵਾਲਿਆਂ ਵਿਚ ਸਰਪ੍ਰਸਤ ਉਮੇਸ਼ ਕੋਹਲੀ ਤੇ ਰਮਨ ਹਾਂਡਾ, ਡਾ: ਓ.ਪੀ. ਵਿੱਗ, ਡਾ: ਰਾਕੇਸ਼ ਮਹਿੰਦਰੂ, ਦੀਪਕ ਕੱਕੜ, ਲਲਿਤ ਤ੍ਰੇਹਨ, ਜਗਦੀਸ਼ ਕੋਹਲੀ, ਸੰਜੇ ਆਨੰਦ, ਉੱਜਵਲ ਭੰਡਾਰੀ, ਸੰਦੀਪ ਕਪੂਰ, ਪੁਨੀਤ ਕਪੂਰ ਤੇ ਨੀਰਜ ਸੇਖੜੀ ਆਦਿ ਸ਼ਾਮਿਲ ਸਨ | ਕਲੱਬ ਦੇ ਪ੍ਰਧਾਨ ਸੁਸ਼ੀਲ ਮਹਿੰਦਰੂ ਨੇ ਕਿਹਾ ਕਿ ਸੌਰਭ ਬਹਿਲ ਜੋ ਕਿ ਚੰਗੀ ਛਵੀ ਦੇ ਮਾਲਕ ਹਨ ਅਤੇ ਅਕਸਰ ਹੀ ਜ਼ਰੂਰਤਮੰਦ ਲੋਕਾਂ ਦੀ ਮਦਦ ਕਰਦੇ ਰਹਿੰਦੇ ਹਨ | ਉਨ੍ਹਾਂ ਦੀ ਸਮਾਜਿਕ ਅਤੇ ਲੋਕ ਪੱਖੀ ਸੋਚ ਨੂੰ ਲੈ ਕੇ ਪੰਜਾਬ ਸਰਕਾਰ ਨੇ ਇੰਪਰੂਵਮੈਂਟ ਟਰੱਸਟ ਦੇ ਚੇਅਰਮੈਨ ਪਦ ਵਜੋਂ ਨਿਵਾਜਿਆ ਹੈ | ਸੁਸ਼ੀਲ ਮਹਿੰਦਰੂ ਨੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਸ਼ਹਿਰ ਦੀ ਭਲਾਈ ਅਤੇ ਸੁੰਦਰਤਾ ਨੂੰ ਲੈ ਕੇ ਵਾਰੀਅਰਜ਼ ਸੋਸ਼ਲ ਵੈਲਫੇਅਰ ਕਲੱਬ ਹਮੇਸ਼ਾ ਉਨ੍ਹਾਂ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਸਹਿਯੋਗ ਦੇਵੇਗੀ |
