ਪੁਲਿਸ ਜਬਰੀਆ ਕਾਰਵਾਈ ਦੌਰਾਨ ਸਿੱਖ ਦੀ ਪੱਗ ਲਾਉਣਾ ਸਮੁੱਚੀ ਸਿੱਖ ਜਗਤ ਲਈ ਸ਼ਰਮਨਾਕ- ਨਾਨੋਵਾਲ
ਖਮਾਣੋਂ, 29 ਅਕਤੂਬਰ (ਮਨਮੋਹਨ ਸਿੰਘ ਕਲੇਰ)- ਲੰਘੇ ਦਿਨ ਮਾਨਸਾ ਦੇ ਪਿੰਡ ਭੰਮਾਂ ਕਲਾਂ ਵਿਖੇ ਨਸ਼ੇ ਨਾਲ ਮੌਤ ਹੋਣ ’ਤੇ ਇਕ ਨੌਜਵਾਨ ਦੀ ਲਾਸ਼ ਨੂੰ ਲੈ ਕੇ ਮਾਨਸਾ ਵਿਖੇ ਪਹੁੰਚ ਰਹੇ ਲੋਕਾਂ ਤੇ ਪੰਜਾਬ ਪੁਲਿਸ ਵਲੋਂ ਧੱਕੇਸ਼ਾਹੀ ਕਰਦਿਆਂ ਜਿੱਥੇ ਹੋਰ ਕਈ ਪ੍ਰਕਾਰ ਦੇ ਸਰਕਾਰੀ ਜ਼ੁਲਮ ਕੀਤੇ ਗਏ ਹਨ, ਉੱਥੇ ਹੀ ਇਕ ਸਿੱਖ ਦੀ ਪੱਗ ਲਾਉਂਦਿਆਂ ਦੀ ਵੀਡੀਓ ਵਾਇਰਲ ਹੋਣ ਨਾਲ ਸਿੱਖ ਹਿਰਦਿਆਂ ਨੂੰ ਵੱਡੀ ਠੇਸ ਪਹੁੰਚੀ ਹੈ ਅਤੇ ਇਸ ਘਟਨਾ ਦੀ ਦੁਨੀਆ ਭਰ ’ਚ ਨਿਖੇਧੀ ਵੀ ਹੋ ਰਹੀ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸੀਨੀਅਰ ਅਕਾਲੀ ਆਗੂ ਗੁਰਮੀਤ ਸਿੰਘ ਨਾਨੋਵਾਲ ਨੇ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ, ਜੋ ਕਿ ਧਰਨੇ ਮੁਜ਼ਾਰਿਆਂ ਵਿਚੋਂ ਆਪਣੀ ਉਪਜ ਦਰਸਾਉਂਦੀ ਰਹੀ ਹੈ।
ਖਮਾਣੋਂ, 29 ਅਕਤੂਬਰ (ਮਨਮੋਹਨ ਸਿੰਘ ਕਲੇਰ)- ਲੰਘੇ ਦਿਨ ਮਾਨਸਾ ਦੇ ਪਿੰਡ ਭੰਮਾਂ ਕਲਾਂ ਵਿਖੇ ਨਸ਼ੇ ਨਾਲ ਮੌਤ ਹੋਣ ’ਤੇ ਇਕ ਨੌਜਵਾਨ ਦੀ ਲਾਸ਼ ਨੂੰ ਲੈ ਕੇ ਮਾਨਸਾ ਵਿਖੇ ਪਹੁੰਚ ਰਹੇ ਲੋਕਾਂ ਤੇ ਪੰਜਾਬ ਪੁਲਿਸ ਵਲੋਂ ਧੱਕੇਸ਼ਾਹੀ ਕਰਦਿਆਂ ਜਿੱਥੇ ਹੋਰ ਕਈ ਪ੍ਰਕਾਰ ਦੇ ਸਰਕਾਰੀ ਜ਼ੁਲਮ ਕੀਤੇ ਗਏ ਹਨ, ਉੱਥੇ ਹੀ ਇਕ ਸਿੱਖ ਦੀ ਪੱਗ ਲਾਉਂਦਿਆਂ ਦੀ ਵੀਡੀਓ ਵਾਇਰਲ ਹੋਣ ਨਾਲ ਸਿੱਖ ਹਿਰਦਿਆਂ ਨੂੰ ਵੱਡੀ ਠੇਸ ਪਹੁੰਚੀ ਹੈ ਅਤੇ ਇਸ ਘਟਨਾ ਦੀ ਦੁਨੀਆ ਭਰ ’ਚ ਨਿਖੇਧੀ ਵੀ ਹੋ ਰਹੀ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸੀਨੀਅਰ ਅਕਾਲੀ ਆਗੂ ਗੁਰਮੀਤ ਸਿੰਘ ਨਾਨੋਵਾਲ ਨੇ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ, ਜੋ ਕਿ ਧਰਨੇ ਮੁਜ਼ਾਰਿਆਂ ਵਿਚੋਂ ਆਪਣੀ ਉਪਜ ਦਰਸਾਉਂਦੀ ਰਹੀ ਹੈ। ਜਦੋਂ ਕਿ ਆਪਣੀਆਂ ਨਾਲਾਇਕੀਆਂ ਨੂੰ ਲੁਕਾਉਂਦਿਆਂ ਹੁਣ ਧਰਨਿਆਂ ਮੁਜ਼ਾਰਿਆਂ ਤੋਂ ਘਬਰਾਈ ਸਰਕਾਰ ਪੀੜਤਾਂ ਨੂੰ ਇਨਸਾਫ਼ ਦੇਣ ਲਈ ਅਜਿਹੇ ਕਾਰਨਾਮਿਆਂ ਅੰਜਾਮ ਰਹੀ ਦੇ ਰਹੀ ਹੈ, ਜਿਸ ਕਰਕੇ ਪੰਜਾਬ ਸਰਕਾਰ ਖ਼ਿਲਾਫ਼ ਉਕਤ ਘਟਨਾਵਾਂ ਨੂੰ ਲੈ ਕੇ ਹਰੇਕ ਵਿਅਕਤੀ ਦਾ ਹਿਰਦਾ ਬਲੂੰਧਰਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਅਜਿਹੇ ਕਾਰਨਾਮਿਆਂ ਦੀ ਵੀਡੀਓ ਵਾਇਰਲ ਹੋਣ ਨਾਲ ਸਮੁੱਚੇ ਸਿੱਖ ਜਗਤ ਦੀ ਜਿੱਥੇ ਹੇਠੀ ਹੁੰਦੀ ਹੈ, ਉੱਥੇ ਹੀ ਕਿਸੇ ਪਗੜੀਧਾਰੀ ਨਾਲ ਨੂੰ ਕੇਸਾਂ ਤੋਂ ਖਿੱਚ ਕੇ ਹੇਠਾਂ ਕੁੱਟਮਾਰ ਕਰਨਾ ਪੰਜਾਬ ਸਰਕਾਰ ਦਾ ਸਭ ਤੋਂ ਵੱਡਾ ਸ਼ਰਮਨਾਕ ਕਾਰਨਾਮਾ ਹੈ, ਜਿਸ ਦੀ ਉਹ ਤੇ ਉਨ੍ਹਾਂ ਦੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਕਰਦੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਮੰਗ ਕੀਤੀ ਕਿ ਅਜਿਹੇ ਅਧਿਕਾਰੀਆਂ ਖ਼ਿਲਾਫ਼ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।
