ਖਮਾਣੋਂ, 16 ਮਈ (ਜੋਗਿੰਦਰ ਪਾਲ)-ਪਿੰਡ ਵਾਸੀਆਂ ਅਤੇ ਸੂਬੇਦਾਰ ਨਾਜ਼ਰ ਸਿੰਘ ਵਲੋਂ ਚੇਅਰਮੈਨ ਹਰਚੰਦ ਸਿੰਘ ਬਰਸਟ ਨੂੰ ਮੰਗ ਪੱਤਰ ਦਿੱਤਾ ਗਿਆ | ਚੇਅਰਮੈਨ ਬਰਸਟ ਨੇ ਮੌਕੇ 'ਤੇ ਹੀ ਮੰਡੀ ਬੋਰਡ ਦੇ ਅਧਿਕਾਰੀਆਂ ਨੂੰ ਪਿੰਡ ਹਵਾਰਾ ਨੂੰ ਲੌਕ ਟਾਈਲਾਂ ਨਾਲ ਨਵੀਂ ਫਿਰਨੀ ਸੜਕ ਦੀ ਉਸਾਰੀ ਲਈ ਚੱਲ ਰਹੇ ਸੜਕ ਵਿਕਾਸ ਕੰਮਾਂ ਵਿਚ ਸ਼ਾਮਿਲ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ | ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਸੜਕ 'ਤੇ ਪਾਣੀ ਖੜ੍ਹਾ ਰਹਿਣ ਕਾਰਨ ਮੈਟਲ ਰੋਡ ਵਾਰ-ਵਾਰ ਟੁੱਟ ਜਾਂਦੀ ਹੈ | ਚੇਅਰਮੈਨ ਨੇ ਭਰੋਸਾ ਦਿਵਾਇਆ ਕਿ ਸੜਕ ਦਾ ਕੰਮ ਜਲਦ ਸ਼ੁਰੂ ਕੀਤਾ ਜਾਵੇਗਾ | ਪਿੰਡ ਵਾਸੀਆਂ ਨੇ ਚੇਅਰਮੈਨ ਬਰਸਟ ਅਤੇ ਹੋਰ 'ਆਪ' ਆਗੂਆਂ ਤੇ ਸਰਕਾਰ ਦਾ ਮੰਗ ਮਨਜ਼ੂਰ ਕਰਨ ਤੇ ਵਿਸ਼ੇਸ਼ ਧੰਨਵਾਦ ਕੀਤਾ | ਇਸ ਮੌਕੇ ਐਡਵੋਕੇਟ ਗੁਰਦਿੱਤ ਸਿੰਘ ਭੰਗੂ, 'ਆਪ' ਯੂਥ ਦੇ ਆਗੂ ਅਤੇ ਹੋਰ ਵੀ ਮੌਜੂਦ ਸਨ |
