ਰੱਤੇਵਾਲ, 7 ਮਈ (ਅਸ਼ੋਕ ਕੁਮਾਰ ਲੀਲ)-ਕਸਬਾ ਕਾਠਗੜ੍ਹ ਦੇ ਨਜ਼ਦੀਕ ਪਿੰਡ ਜੰਡੀ ਦੇ ਸਮਾਜ ਸੇਵੀ ਦੁਰਗੇਸ਼ ਜੰਡੀ ਜੋ ਕਿ ਪਿਛਲੇ ਲੰਮੇ ਅਰਸੇ 1992 ਤੋਂ ਮੇਹਰ ਚੰਦ ਪੋਲੀਟੈਕਨਿਕ ਕਾਲਜ 'ਚ ਬਤੌਰ ਵਰਕਸ਼ਾਪ ਲੈਕਚਰਾਰ ਦੀ ਸੇਵਾ ਨਿਭਾਅ ਰਹੇ ਹਨ | ਉਨ੍ਹਾਂ ਦੀ ਇਮਾਨਦਾਰੀ, ਅਣਥੱਕ ਸਖ਼ਤ ਮਿਹਨਤ ਨੂੰ ਉਸ ਸਮੇਂ ਬੂਰ ਪਿਆ ਜਦੋਂ ਕਾਲਜ ਦੀ ਮੈਨੇਜਮੈਂਟ ਵਲੋਂ ਇਨ੍ਹਾਂ ਨੂੰ ਵਰਕਸ਼ਾਪ ਸੁਪਰਡੈਂਟ ਦੀ ਵੱਡੀ ਜ਼ਿੰਮੇਵਾਰੀ ਸੌਂਪੀ ਗਈ | ਜੰਡੀ ਨੇ ਕਿਹਾ ਕਿ ਮੈਂ ਆਉਣ ਵਾਲੇ ਸਮੇਂ ਵਿਚ ਕਾਲਜ ਵਲੋਂ ਸੌਂਪੀ ਗਈ ਇਸ ਜ਼ਿੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣ ਲਈ ਪਾਬੰਦ ਰਹਾਂਗਾ | ਇਸ ਮੌਕੇ ਜੰਡੀ ਨੇ ਆਪਣੇ ਅਹੁਦੇ 'ਤੇ ਬੈਠਦਿਆਂ ਆਪਣੇ ਕਾਲਜ ਦੇ ਪਿ੍ੰਸੀਪਲ ਡਾ. ਜਗਰੂਪ ਸਿੰਘ, ਰਾਜੀਵ ਭਾਟੀਆ ਐੱਚ. ਓ. ਡੀ. ਸਿਵਲ ਇੰਜੀਨੀਅਰ, ਸੰਜੇ ਬਾਂਸਲ ਐੱਚ. ਓ. ਡੀ. ਫਾਰਮੇਸੀ, ਗੌਰਵ ਸ਼ਰਮਾ ਐੱਚ. ਓ. ਡੀ. ਆਟੋ ਮੋਬਾਈਲ ਇੰਜੀਨੀਅਰ, ਪਿ੍ੰਸ ਮਦਾਨ ਐੱਚ. ਓ. ਡੀ. ਕੰਪਿਊਟਰ, ਬਿਕਰਮ ਸਿੰਘ ਐੱਚ. ਓ. ਡੀ. ਇਲੈਕਟ੍ਰੀਕਲ, ਆਕਾਸ਼ ਸ਼ਰਮਾ ਐੱਚ. ਓ. ਡੀ. ਸਾਇੰਸ ਤੇ ਪ੍ਰੀਤ ਕਲਮ ਐੱਚ. ਓ. ਡੀ. ਈ. ਸੀ. ਈ. ਤੇ ਮੈਨੇਜਮੈਂਟ ਕਮੇਟੀ ਦਾ ਧੰਨਵਾਦ ਕੀਤਾ |
