ਬੰਗਾ, 22 ਜਨਵਰੀ (ਕੁਲਦੀਪ ਸਿੰਘ ਪਾਬਲਾ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੂਰਾਪਰ ਵਿਖੇ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਅੱਠਵੀਂ ਜਮਾਤ ਪ੍ਰੀਖਿਆ ਮਾਰਚ 2025 ਦੌਰਾਨ ਪੰਜਾਬ ਰਾਜ ਵਿੱਚੋਂ 97.33 ਅੰਕ ਪ੍ਰਾਪਤ ਕਰਨ ਵਾਲੀ ਸਕੂਲ ਦੀ ਹੋਣਹਾਰ ਵਿਦਿਆਰਥਣ ਕਿਰਨਜੀਤ ਕੌਰ ਪੁੱਤਰੀ ਸਰਦਾਰ ਮੇਜਰ ਸਿੰਘ ਵਾਸੀ ਸੂਰਾਪੁਰ ਨੂੰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਮੋਹਾਲੀ ਵੱਲੋਂ ਜਾਰੀ 5000 ਰੁਪਏ ਦਾ ਇਨਾਮੀ ਚੈੱਕ ਬਰਿੰਦਰਜੀਤ ਕੌਰ ਚੇਅਰਪਰਸਨ ਐਸ.ਐਮ.ਸੀ ਵਲੋਂ ਸੌਂਪਿਆ ਗਿਆ | ਇਸ ਮੌਕੇ ਸਕੂਲ ਇੰਚਾਰਜ ਪਰਮਜੀਤ ਸਿੰਘ ਝੰਮਟ ਨੇ ਵਜ਼ੀਫਾ ਪ੍ਰਾਪਤ ਕਰਨ ਵਾਲੀ ਵਿਦਿਆਰਥਣ ਨੂੰ ਵਧਾਈ ਦਿੱਤੀ ਅਤੇ ਬੱਚਿਆਂ ਨੂੰ ਹੋਰ ਮਿਹਨਤ ਕਰਕੇ ਅੱਗੇ ਵਧਣ ਲਈ ਪ੍ਰੇਰਿਆ | ਇਸ ਮੌਕੇ ਸਰਦਾਰ ਮੇਜਰ ਸਿੰਘ ਸਾਬਕਾ ਸਰਪੰਚ ਸੂਰਾਪੁਰ, ਬਲਵੀਰ ਰਾਮ, ਹਰਦਿਆਲ, ਪਿ੍ਅੰਕਾ, ਸਰਬਜੀਤ ਕੌਰ, ਮਨੀਸ਼ਾ, ਰਜਿੰਦਰ ਪਾਲ ਕੌਰ, ਸ਼ਬੀਨਾ, ਮੋਹਿਤ, ਗੁਲਸ਼ਨ ਸ਼ਰਮਾ ਅਤੇ ਰਜੀਵ ਕੁਮਾਰ ਹਾਜ਼ਰ ਸਨ |
