ਬੜੂੰਦੀ 'ਚ 20 ਦਿਨਾਂ ਬਾਅਦ ਮੁੜ ਟਰਾਂਸਫਾਰਮਰ ਚੋਰੀ ਕਰਨ ਆਏ ਚੋਰਾਂ ਨੂੰ ਕਿਸਾਨਾਂ ਨੇ ਭਜਾਇਆ
ਅਜੀਤ ਡੈਸਕ
15-04-2026
• (ਬਾਕੀ ਸਫਾ 6 'ਤੇ)
ਖੇਤੀਬਾੜੀ ਸਭਾ ਦੇ ਮੀਤ ਪ੍ਰਧਾਨ ਰਾਜਿੰਦਰ ਸਿੰਘ ਬਿੰਦਰੀ, ਅਮਨਦੀਪ ਸਿੰਘ ਮਾਨ ਨੇ ਦੱਸਿਆ ਕਿ ਭਾਵੇਂ ਟਰਾਂਸਫਰਮਰ ਚੋਰੀ ਹੋਣ ਤੋਂ ਬਚ ਗਏ ਪ੍ਰੰਤੂ ਚੋਰ ਟਰਾਂਸਫਾਰਮਰਾਂ ਦਾ ਕੀਮਤੀ ਸਮਾਨ ਹਥਿਆਉਣ ਲਈ ਭੰਨ ਤੋੜ ਦੀ ਕਥਿਤ ਕੋਸ਼ਿਸ਼ 'ਚ ਵੱਡਾ ਨੁਕਸਾਨ ਕਰ ਗਏ | ਇਸ ਸਬੰਧੀ ਭਾਵੇਂ ਅੱਜ ਪੁਲਿਸ ਚੌਂਕੀ ਲੋਹਟਬੱਦੀ ਇੰਚਾਰਜ ਬੂਟਾ ਖਾਂ ਨੇ ਘਟਨਾ ਸਥਾਨ ਦਾ ਦੌਰਾ ਕਰਦਿਆਂ ਤਾਂਬਾ ਆਦਿ ਕਿਸਾਨਾਂ ਨੂੰ ਸੰਭਾਲ ਦਿੱਤਾ ਜਦਕਿ ਚੋਰਾਂ ਦਾ ਘਟਨਾ ਸਥਾਨ 'ਤੇ ਰਹੇ ਪਾਨੇ, ਚਾਬੀਆਂ ਆਦਿ ਸਮਾਨ ਆਪਣੇ ਨਾਲ ਲੈ ਗਏ ਪ੍ਰੰਤੂ ਦੇਰ ਸ਼ਾਮ ਤੱਕ ਚੋਰਾਂ ਦੀ ਪੈੜ ਨੱਪਣ ਲਈ ਪਿੰਡ ਬੜੂੰਦੀ ਅਤੇ ਆਸ ਪਾਸ ਦੇ ਸੀ.ਸੀ.ਟੀ.ਵੀ ਕੈਮਰਿਆਂ ਨੂੰ ਖੰਗਾਲਿਆ ਨਹੀਂ ਗਿਆ ਅਤੇ ਅਣਪਛਾਤੇ ਚੋਰਾਂ ਖ਼ਿਲਾਫ਼ ਕੋਈ ਮਾਮਲਾ ਵੀ ਦਰਜ ਨਹੀਂ ਕੀਤਾ ਗਿਆ | ਇਹੀ ਹਾਲ ਪਹਿਲਾਂ ਵਾਲੀ ਘਟਨਾ ਦਾ ਰਿਹਾ ਹੈ | ਸੰਪਰਕ ਕਰਨ 'ਤੇ ਬੂਟਾ ਖਾਂ ਚੌਂਕੀ ਇੰਚਾਰਜ ਨੇ ਕਿਹਾ ਕਿ ਬਣਦੀ ਕਾਰਵਾਈ ਲਈ ਉੱਚ ਅਧਿਕਾਰੀਆਂ ਨਾਲ ਗੱਲ ਕਰ ਰਿਹਾ ਹਾਂ |
ਨਵਾਂ ਟਰਾਂਸਫਾਰਮਰ ਲੈਣ ਲਈ ਕਿਸਾਨ ਬਿਜਲੀ ਮਹਿਕਮੇ ਦੀਆਂ ਕਰਦੇ ਨੇ ਮਿੰਨਤਾਂ!
ਚੋਰੀ ਦਾ ਸ਼ਿਕਾਰ ਹੋਏ ਕਿਸਾਨਾਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਪੰਜਾਬ ਰਾਜ ਊਰਜਾ ਨਿਗਮ (ਪੀ.ਐਸ.ਪੀ.ਸੀ.ਐਲ) ਦੇ ਅਧਿਕਾਰੀ ਆਪਣੇ ਪੱਧਰ 'ਤੇ ਕੋਈ ਕਾਨੂੰਨੀ ਕਾਰਵਾਈ ਨਹੀਂ ਕਰਦੇ ਸਗੋਂ ਕਿਸਾਨਾਂ ਨੂੰ ਹੀ ਉਪ ਮੰਡਲ ਦਫ਼ਤਰ ਜਾ ਕੇ ਚੋਰੀ ਸਬੰਧੀ ਲਿਖਤੀ ਦਰਖਾਸਤ ਰਾਹੀਂ ਸੂਚਿਤ ਕਰਨਾ ਪੈਂਦਾ ਹੈ | ਫਿਰ ਇਸ ਦੀ ਜਾਣਕਾਰੀ ਸਥਾਨਕ ਪੁਲਿਸ ਨੂੰ ਦੇਣ 'ਤੇ ਡੀ.ਡੀ.ਆਰ ਦਰਜ ਕਰਵਾਉਣ ਉਪਰੰਤ ਨਵਾਂ ਟਰਾਂਸਫਰਮਰ ਉਦੋਂ ਤੱਕ ਜਾਰੀ ਨਹੀਂ ਹੁੰਦਾ ਜਦੋਂ ਤੱਕ ਸਬੰਧਿਤ ਜੇ.ਈ ਦੀ ਮੁੱਠੀ ਗਰਮ ਨਹੀਂ ਕੀਤੀ ਜਾਂਦੀ | ਬੜੇ ਸਿਤਮ ਦੀ ਗੱਲ ਹੈ ਕਿ ਕੁਦਰਤੀ ਕਰੋਪੀ, ਸਰਕਾਰਾਂ ਦੀਆਂ ਗਲਤ ਨੀਤੀਆਂ, ਚੋਰ ਗਿਰੋਹ ਅਤੇ ਸਰਕਾਰੀ ਬਾਬੂਆਂ ਵਲੋਂ ਆਪਣੀ ਭਿ੍ਸ਼ਟ ਸੋਚ ਵਾਲੀ ਹਉਮੈ ਨੂੰ ਪੱਠੇ ਪਾਉਣ ਲਈ ਕਿਸਾਨਾਂ ਦਾ ਗਲ਼ਾ ਹੀ ਕਿਉਂ ਦਬਾਇਆ ਜਾ ਰਿਹਾ ਹੈ..? ਪਿਛਲੇ ਮਹੀਨੇ ਚੋਰੀ ਹੋਏ 4 ਟਰਾਂਸਫਰਮਰਾਂ ਸਬੰਧੀ ਜੇ.ਈ ਰਣਧੀਰ ਸਿੰਘ ਨੇ ਪੀੜਤ ਕਿਸਾਨਾਂ ਪਾਸੋਂ ਇਕ ਸਾਂਝੀ ਦਰਖਾਸਤ ਲੈਣ ਦੀ ਬਜਾਇ ਹਰ ਕਿਸਾਨ ਪਾਸੋਂ ਵੱਖਰੀ-ਵੱਖਰੀ ਸ਼ਿਕਾਇਤ 'ਤੇ ਕਾਰਵਾਈ ਕਰਦਿਆਂ ਕਿਸਾਨਾਂ ਨੂੰ ਪੁਲਿਸ ਚੌਂਕੀ ਲੋਹਟਬੱਦੀ ਵੱਲ ਨੂੰ ਤੋਰਿਆ ਗਿਆ ਜੋ ਕਿ ਕਈ ਦਿਨਾਂ ਤੱਕ ਪੁਲਿਸ ਕਾਰਵਾਈ ਅਤੇ ਨਵਾਂ ਟਰਾਂਸਫਾਰਮਰ ਲੈਣ ਲਈ ਦਫ਼ਤਰਾਂ ਦੀ ਖਾਕ ਛਾਣਦੇ ਰਹੇ | ਅੱਜ ਦੀ ਘਟਨਾ ਸਮੇਂ ਜਦੋਂ ਸਬੰਧਿਤ ਜੇ.ਈ ਰਣਧੀਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨਾਂ ਕਿਹਾ ਕਿ ਕਿਸਾਨ ਉਨਾਂ ਨੂੰ ਲਿਖਤੀ ਸਿਕਾਇਤ ਪੇਸ਼ ਕਰਨਗੇ ਫਿਰ ਘਟਨਾ ਸਥਾਨ ਦਾ ਮੌਕਾ ਦੇਖਣ ਉਪਰੰਤ ਹੀ ਅਗਲੀ ਕਾਰਵਾਈ ਹੋਵੇਗੀ |
