ਹੁਸ਼ਿਆਰਪੁਰ, 5 ਅਪ੍ਰੈਲ (ਬਲਜਿੰਦਰਪਾਲ ਸਿੰਘ)-ਕਾਲਕੀ ਚੌਧਰੀ ਫਾਊਾਡੇਸ਼ਨ ਵਲੋਂ ਸਰਕਾਰੀ ਹਾਈ ਸਕੂਲ ਗੋਬਿੰਦਪੁਰ ਖੁਣ-ਖੁਣ ਵਿਖੇ ਰਿਟਾਇਰਡ ਗਰੁੱਪ ਕੈਪਟਨ ਦੀਪਕ ਰਾਏ ਚੌਧਰੀ ਤੇ ਉਨ੍ਹਾਂ ਦੀ ਪਤਨੀ ਤੇਜਿੰਦਰ ਕੌਰ ਚੌਧਰੀ ਨੇ ਆਪਣੇ ਪੁੱਤਰ ਕਾਲਕੀ ਚੌਧਰੀ ਦੀ ਯਾਦ 'ਚ ਵਿਦਿਆਰਥੀਆਂ ਨੂੰ ਸਕੂਲ ਬੈਗ, ਸਟੇਸ਼ਨਰੀ, ਵਰਦੀਆਂ ਤੇ ਹੋਰ ਲੋੜੀਂਦੀ ਸਮੱਗਰੀ ਵੰਡੀ | ਇਸ ਦੌਰਾਨ ਪੜ੍ਹਾਈ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਨੂੰ 5000 ਰੁਪਏ ਦੀ ਰਾਸ਼ੀ ਦੇ ਕੇ ਉਨ੍ਹਾਂ ਦਾ ਹੌਸਲਾ ਵਧਾਇਆ ਗਿਆ | ਸਕੂਲ ਦੀ ਮੁੱਖ ਅਧਿਆਪਕਾ ਸੰਮਿਤੁ ਰਾਣਾ ਨੇ ਇਸ ਪਹਿਲ ਲਈ ਫਾਊਾਡੇਸ਼ਨ ਅਤੇ ਦਾਨੀਆਂ ਦਾ ਧੰਨਵਾਦ ਕੀਤਾ | ਉਨ੍ਹਾਂ ਦੀਪਕ ਰਾਏ ਚੌਧਰੀ ਤੇ ਤੇਜਿੰਦਰ ਕੌਰ ਚੌਧਰੀ ਨੂੰ ਸਨਮਾਨਿਤ ਕਰਦਿਆਂ ਉਨ੍ਹਾਂ ਦੇ ਯੋਗਦਾਨ ਨੂੰ ਪ੍ਰੇਰਨਾਦਾਇਕ ਕਰਾਰ ਦਿੱਤਾ | ਇਸ ਮੌਕੇ ਰਿਟਾਇਰਡ ਲੈਕਚਰਾਰ ਮਨਮੋਹਨ ਸਿੰਘ ਸੈਣੀ ਸਮੇਤ ਸਟਾਫ਼ ਮੈਂਬਰ ਸਪਨਾ ਸੂਦ, ਅਮਨਦੀਪ ਕੌਰ, ਸੁਖਜਿੰਦਰ ਕੌਰ, ਜਸਪ੍ਰੀਤ ਕੌਰ, ਰਣਦੀਪ ਕੁਮਾਰ, ਅਨੀਤਾ ਰਾਜ, ਸਰੋਜ ਵਾਲਾ ਤੇ ਰਸ਼ਪਾਲ ਪਾਲ ਕੌਰ ਆਦਿ ਮੌਜੂਦ ਸਨ |
