ਕੋਟਫ਼ਤੂਹੀ, 5 ਮਾਰਚ (ਅਵਤਾਰ ਸਿੰਘ ਅਟਵਾਲ)-ਕੋਟਫ਼ਤੂਹੀ ਵਲੋਂ ਬਜਰੀ ਪੱਥਰ ਨਾਲ ਭਰਿਆ ਟਿੱਪਰ ਮੇਹਟੀਆਣਾ ਵੱਲ ਨੂੰ ਜਾ ਰਿਹਾ ਸੀ, ਜਦੋਂ ਉਹ ਪਾਂਸਟਾ ਦੇ ਪਿਛਲੇ ਪੁਲ ਦੇ ਕਰੀਬ ਪਹੁੰਚਿਆਂ ਤਾ ਸੜਕ ਵਿਚ ਖੱਡਾ ਹੋਣ ਕਰ ਕੇ ਟਿੱਪਰ ਦਾ ਬੈਲੈਂਸ ਵਿਗੜਨ ਨਾਲ ਨਹਿਰ ਦੀ ਰੇਲਿੰਗ ਨਾਲ ਜਾ ਟਕਰਾਇਆ, ਪਰ ਪੁਲ ਦੇ ਕਰੀਬ ਹੋਣ ਕਰ ਕੇ ਸਪੀਡ ਘੱਟ ਹੋਣ ਨਾਲ ਜਾਨੀ ਮਾਲ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ ਪਰ ਇਸ ਘਟਨਾ ਵਿਚ ਟਿੱਪਰ ਦੇ ਅਗਲੇ ਟਾਇਰ ਬੁਰੀ ਤਰ੍ਹਾਂ ਨੁਕਸਾਨੇ ਗਏ | ਇਸੇ ਤਰ੍ਹਾਂ ਬਾਅਦ ਦੁਪਹਿਰ ਇਸੇ ਸੜਕ ਉੱਪਰ ਪਿੰਡ ਭੁੰਗਰਨੀ ਕੋਲ ਇਕ ਸੀਮੈਂਟ ਨਾਲ ਭਰਿਆ ਟਰੱਕ ਅਚਾਨਕ ਨਹਿਰ ਦੇ ਦੂਸਰੇ ਪਾਸੇ ਖੇਤਾਂ ਦੇ ਖਤਾਨਾਂ ਵੱਲ ਨੂੰ ਪਲਟ ਗਿਆ, ਪਰ ਚਾਲਕ ਦੇ ਮਾਮੂਲੀ ਸੱਟਾਂ ਲੱਗੀਆਂ, ਪਰ ਜਾਨੀ ਨੁਕਸਾਨ ਤੋ ਬਚਾਅ ਰਿਹਾ |
