ਆਮਦਨ ਕਰ ਰਿਟਰਨ ਭਰਨ ਦੀ ਸਮਾਂ ਹੱਦ ’ਚ ਕੀਤਾ ਬਦਲਾਅ
ਅਜੀਤ ਡੈਸਕ
01-07-2026
ਨਵੀਂ ਦਿੱਲੀ, 30 ਜੂਨ (ਉਪਮਾ ਡਾਗਾ ਪਾਰਥ)- ਵਿੱਤੀ ਸਾਲ 2026-27 ਲਈ ਆਮਦਨ ਟੈਕਸ ਰਿਟਰਨ ਫਾਈਲ ਕਰਨ ਦੀ ਸਮਾਂ ਹੱਦ ’ਚ ਆਮਦਨ ਟੈਕਸ ਵਿਭਾਗ ਵਲੋਂ ਕੁਝ ਬਦਲਾਅ ਕੀਤੇ ਗਏ ਹਨ, ਜਿਸ ਮੁਤਾਬਿਕ ਨੌਕਰੀਪੇਸ਼ਾ ਲੋਕਾਂ ਲਈ ਟੈਕਸ ਰਿਟਰਨ ਦਾਖ਼ਲ ਕਰਨ ਦੀ ਆਖਰੀ ਤਾਰੀਕ 31 ਜੁਲਾਈ 2026 ਹੈ, ਜਦਕਿ ਬਾਕੀ ਟੈਕਸ ਭਰਨ ਵਾਲਿਆਂ ਲਈ ਇਹ ਤਾਰੀਕ ਅੱਗੇ ਵਧਾ ਦਿੱਤੀ ਗਈ ਹੈ। ਛੋਟੇ ਵਪਾਰੀਆਂ ਨੂੰ ਟੈਕਸ ਭਰਨ ਲਈ ਹੋਰ ਸਮਾਂ ਦਿੰਦਿਆਂ ਆਖਰੀ ਤਾਰੀਕ 31 ਅਗਸਤ 2026 ਕਰ ਦਿੱਤੀ ਗਈ। ਹਾਲਾਂਕਿ ਵਿਭਾਗ ਨੇ ਟੈਕਸ ਆਡਿਟ ਕਰਨ ਵਾਲੇ ਮਾਮਲਿਆਂ ਲਈ ਆਖਰੀ ਤਾਰੀਕ 31 ਅਕਤੂਬਰ 2026 ਹੀ ਰੱਖੀ ਹੈ। ਟੈਕਸ ਅਦਾ ਕਰਨ ਵਾਲਿਆਂ ਨੂੰ 30 ਸਤੰਬਰ 2026 ਤੱਕ ਆਪਣੀ ਆਡਿਟ ਰਿਪੋਰਟ ਜਮ੍ਹਾਂ ਕਰਨੀ ਹੋਵੇਗੀ।
