ਹਾਰ ਲੁਕਾਉਣ ਲਈ ਚੋਣ ਕਮਿਸ਼ਨ ’ਤੇ ਹਮਲਾ ਕਰ ਰਹੀਆਂ ਹਨ ਵਿਰੋਧੀ ਧਿਰਾਂ-ਭਾਜਪਾ
ਅਜੀਤ ਡੈਸਕ
01-07-2026
ਨਵੀਂ ਦਿੱਲੀ, 30 ਜੂਨ (ਏਜੰਸੀ) ਭਾਜਪਾ ਨੇ ਮੰਗਲਵਾਰ ਨੂੰ ਵਿਰੋਧੀ ਪਾਰਟੀਆਂ ’ਤੇ ਦੋਸ਼ ਲਾਇਆ ਕਿ ਉਹ ਚੋਣ ਕਮਿਸ਼ਨ ਦੇ ਵੋਟਰ ਸੂਚੀਆਂ ਦੀ ਵਿਸ਼ੇਸ਼ ਵਿਆਪਕ ਸੋਧ (ਐਸ. ਆਈ. ਆਰ.) ’ਤੇ ਹਮਲਾ ਕਰਕੇ ਦੋਹਰੇਪਨ ਦੀ ਹੱਦ ਦਾ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਪਾਰਟੀ ਦਾ ਦੋਸ਼ ਹੈ ਕਿ ਉਹ ਉਨ੍ਹਾਂ ਰਾਜਾਂ ’ਚ ਇਸ ਪ੍ਰਕਿਰਿਆ ਦਾ ਸਮਰਥਨ ਕਰਦੇ ਹਨ ਜਿਥੇ ਇਹ ਉਨ੍ਹਾਂ ਲਈ ਰਾਜਨੀਤਕ ਤੌਰ ’ਤੇ ਫਾਇਦੇਮੰਦ ਹੈ ਪਰ ਦੂਜੀਆਂ ਥਾਵਾਂ ’ਤੇ ਚੋਣਾਂ ’ਚ ਹਾਰ ਦਾ ਬਹਾਨਾ ਬਣਾਉਣ ਲਈ ਇਸਦਾ ਵਿਰੋਧ ਕਰਦੇ ਹਨ। ਭਾਜਪਾ ਦੇ ਰਾਸ਼ਟਰੀ ਬੁਲਾਰੇ ਸ਼ਹਿਜ਼ਾਦ ਪੂਨਾਵਾਲਾ ਨੇ ਦੋਸ਼ ਲਗਾਇਆ ਕਿ ਵਿਰੋਧੀ ਧਿਰ ਵਾਰ-ਵਾਰ ਚੋਣ ਝਟਕਿਆਂ ਤੋਂ ਬਾਅਦ ਸੰਵਿਧਾਨਕ ਸੰਸਥਾਵਾਂ ਨੂੰ ਨਿਸ਼ਾਨਾ ਬਣਾ ਰਹੀ ਹੈ।
