ਜਲੰਧਰ, 30 ਅਗਸਤ (ਸ਼ਿਵ)- ਸ੍ਰੀ ਗੁਰੂ ਰਵਿਦਾਸ ਚੌਕ ਦੇ ਕੋਲ ਪਿਛਲੇ ਕਈ ਮਹੀਨਿਆਂ ਤੋਂ ਸੜਕ ਟੁੱਟੀ ਹੋਈ ਹੈ | ਮਾਡਲ ਟਾਊਨ ਵੱਲੋਂ ਸ਼ਹਿਰ ਵੱਲੋਂ ਆਉਂਦੇ ਹੋਏ ਇਸ ਸੜਕ ਦਾ ਇਨਾ ਬੁਰਾ ਹਾਲ ਹੈ ਕਿ ਲੋਕਾਂ ਦਾ ਪੈਦਲ ਚੱਲਣਾ ਔਖਾ ਹੋ ਗਿਆ ਹੈ | ਗੱਡੀਆਂ ਵੀ ਟੋਇਆ ਵਿੱਚ ਫਸ ਜਾਂਦੀਆਂ ਹਨ | ਬਰਸਾਤ ਵਾਲੇ ਦਿਨ ਤਾਂ ਲੋਕਾਂ ਦਾ ਰੱਬ ਰਾਖਾ ਹੈ, ਅੱਜ ਜਿਹੜੀ ਬਰਸਾਤ ਪਈ ਹੈ ਉਸ ਨਾਲ ਪਾਣੀ ਭਰ ਗਿਆ | ਸੜਕ ਉੱਤੇ ਗੱਡੀਆਂ ਨਿਕਲਣੀਆਂ ਮੁਸ਼ਕਿਲ ਹੋ ਗਿਆ ਜਿਸ ਨੂੰ ਦੇਖਦੇ ਹੋਏ ਰੋਡ ਗਲੀਆਂ ਨਗਰ ਨਿਗਮ ਨੇ ਸਾਫ ਨਹੀਂ ਕੀਤੀਆਂ ਪਰ ਉਥੋਂ ਚਾਹ ਦਾ ਖੋਖਾ ਲਾਉਣ ਵਾਲਾ ਦੁਕਾਨਦਾਰ ਰਜਿੰਦਰ ਕੁਮਾਰ ਨੇ ਆਪ ਰੋਡ ਗਲੀ ਸਾਫ ਕੀਤੀ ਤਾਂ ਜੋ ਇਸ ਜਗ੍ਹਾ 'ਤੇ ਖੜੇ ਪਾਣੀ ਦੀ ਨਿਕਾਸੀ ਹੋ ਜਾਵੇ | ਲੋਕਾਂ ਦਾ ਕਹਿਣਾ ਸੀ ਕਿ ਨਗਰ ਨਿਗਮ ਦੇ ਜ਼ੋਨ ਅਫਸਰਾਂ ਨੂੰ ਕਈ ਵਾਰ ਕਿਹਾ ਗਿਆ ਹੈ ਬਰਸਾਤਾਂ ਵੇਲੇ ਰੋਡ ਗਲੀਆਂ ਸਾਫ ਕਰਾ ਦਿਓ ਪਰ ਕੋਈ ਕਾਰਵਾਈ ਨਹੀਂ ਹੁੰਦੀ | ਅੱਜ ਦੋ ਰਿਕਸ਼ਾ ਦੀ ਸਵਾਰੀਆਂ ਬਾਲ-ਬਾਲ ਬਚੀਆਂ | ਸੜਕ ਵਿੱਚ ਪਏ ਟੋਏ 'ਚ ਈ-ਰਿਕਸ਼ਾ ਪਲਟ ਗਿਆ ਤੇ ਮੌਕੇ ਤੇ ਆਸ-ਪਾਸ ਦੁਕਾਨਦਾਰਾਂ ਨੇ ਈ-ਰਿਕਸ਼ਾ ਸਿੱਧਾ ਕਰਵਾਇਆ |
