ਲੰਡਨ, 28 ਦਸੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਬਰਤਾਨੀਆ ਦੇ ਮਹਾਰਾਜਾ ਚਾਰਲਸ ਤੀਜੇ ਬੀਤੇ ਦਿਨੀ ਡਾਰਟਮਾਊਥ ਵਿਖੇ ਸਰਕਾਰੀ ਦੌਰੇ 'ਤੇ ਗਏ | ਜਿੱਥੇ ਉਨ੍ਹਾਂ ਰੋਇਲ ਬਿ੍ਟਾਨੀਆ ਨੇਵਲ ਕਾਲਜ ਦਾ ਦੌਰਾ ਕੀਤਾ | ਉਨ੍ਹਾਂ ਆਪਣੇ ਸਿਖਲਾਈ ਲੈਣ ਵਾਲੇ 50 ਸਾਲਾਂ ਤੋਂ ਵੱਧ ਸਮੇਂ ਬਾਅਦ ਪੁਰਾਣੇ ਦਿਨਾਂ ਨੂੰ ਯਾਦ ਕੀਤਾ | ਉਨ੍ਹਾਂ ਕਿਹਾ ਕਿ ਕਾਲਜ ਵਿਚ ਉਨ੍ਹਾਂ ਦੇ ਸਮੇਂ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਜਲ ਸੈਨਾ ਸੇਵਾਵਾਂ ਲਈ ਤਿਆਰ ਕੀਤਾ, ਜਿਸ ਦੌਰਾਨ ਉਨ੍ਹਾਂ ਨੇ ਸ਼ੀਤ ਯੁੱਧ-ਯੁੱਗ ਦੇ ਮਾਈਨਸਵੀਪਰ ਦੀ ਕਮਾਨ ਸੰਭਾਲੀ | ਉਨ੍ਹਾਂ ਕਿਹਾ ਕਿ ਮੇਰੇ ਕੋਲ ਇੱਥੇ ਆਪਣੇ ਸਮੇਂ ਦੀਆਂ ਬਹੁਤ ਸਾਰੀਆਂ ਯਾਦਾਂ ਹਨ, ਖਾਸ ਕਰਕੇ ਪੁਰਾਣੀਆਂ ਪਿਕੇਟ ਕਿਸ਼ਤੀਆਂ ਵਿਚ ਡਾਰਟ ਨੂੰ ਉੱਪਰ ਅਤੇ ਹੇਠਾਂ ਚਲਾਉਣਾ, ਜੋ ਮੈਂ ਹੁਣ ਦੇਖ ਰਿਹਾ ਹਾਂ, ਸਮੁੰਦਰ ਵਿਚ ਸੜਕ ਦੇ ਨਿਯਮਾਂ ਨੂੰ ਸਿੱਖਣ ਵਿਚ ਇੱਕ ਕਰੈਸ਼ ਕੋਰਸ ਦਾ ਅਨੁਭਵ ਸਾਂਝਾ ਕੀਤਾ | ਰਾਇਲ ਨੇਵੀ ਦੇ ਅਧਿਕਾਰੀਆਂ ਨੂੰ ਮਿਲਣ ਮੌਕੇ ਉਨ੍ਹਾਂ ਨਵੇਂ ਕਮਿਸ਼ਨਡ ਸਿੱਖ ਮੈਡੀਕਲ ਅਫਸਰ ਨਾਲ ਵੀ ਵਿਚਾਰ ਸਾਂਝੇ ਕੀਤੇ |
