ਜੈਤੋ, 2 ਨਵੰਬਰ (ਗੁਰਚਰਨ ਸਿੰਘ ਗਾਬੜੀਆ)-ਕਿਸਾਨਾਂ ਨੂੰ ਖੇਤੀ ਲਈ 5 ਘੰਟੇ ਬਿਜਲੀ ਸਲਪਾਈ ਮਿਲਣ ਕਰਕੇ ਕਿਸਾਨਾਂ 'ਚ ਸਰਕਾਰ ਪ੍ਰਤੀ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ | ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਮਾਲਵਾ ਤੇ ਸੂਬਾ ਪ੍ਰਧਾਨ ਨਛੱਤਰ ਸਿੰਘ ਜੈਤੋ ਨੇ ਕਿਹਾ ਕਿ ਬਿਜਲੀ ਸਪਲਾਈ ਮਸਾਂ 5 ਘੰਟੇ ਆਉਂਦੀ ਹੈ ਤੇ ਜੈਤੋ ਰਜਬਾਹਾ ਤੇ ਰੌਂਤਾ ਰਜਬਾਹਾ ਸੁੱਕੇ ਪਏ ਹਨ ਤੇ ਨਹਿਰੀ ਪਾਣੀ ਵੀ ਨਹੀਂ ਮਿਲ ਰਿਹਾ ਹੈ | ਜਦ ਕਿ ਕਿਸਾਨ ਕਣਕ ਦੀ ਫ਼ਸਲ ਦੀ ਬਿਜਾਈ ਕਰਨ ਲਈ ਪਾਣੀ ਦੀ ਸਖ਼ਤ ਜ਼ਰੂਰਤ ਹੈ | ਉਨ੍ਹਾਂ ਦੱਸਿਆ ਕਿ ਕਿਸਾਨਾਂ ਨੇ ਕਣਕ ਦੀਆਂ ਰÏਣੀਆਂ ਕੀਤੀਆਂ ਸੀ, ਉਹ ਗੱਠਾਂ ਬਣਾਉਣ ਦੇ ਚੱਕਰ 'ਚ ਸੁੱਕ ਗਈਆਂ ਹਨ ਤੇ ਦੁਬਾਰਾ ਰੌਣੀ ਕਰਨ ਨੂੰ ਮਜਬੂਰ ਹੋ ਗਏ ਹਨ ਪਰ ਮੋਟਰਾਂ ਲਈ ਆਉਂਦੀ ਬਿਜਲੀ 5 ਘੰਟੇ ਮਸਾਂ ਹੀ ਆਉਂਦੀ ਹੈ | ਜਦ ਕਿ ਇਹ ਬਿਜਲੀ ਪਹਿਲਾਂ 8 ਘੰਟੇ ਆਉਂਦੀ ਸੀ | ਉਨ੍ਹਾਂ ਮੰਗ ਕੀਤੀ ਕਿ ਬਿਜਲੀ ਸਪਲਾਈ 10 ਘੰਟੇ ਕੀਤੀ ਜਾਵੇ ਤੇ ਨਹਿਰਾਂ 'ਚ ਪਾਣੀ ਛੱਡਿਅ ਜਾਵੇ |
