ਮਲੋਟ, 28 ਦਸੰਬਰ (ਪਾਟਿਲ)-ਬੀਤੀ ਰਾਤ ਮਹਾਵੀਰ ਨਗਰ ਨਿਵਾਸੀ ਸੋਮਨਾਥ ਪੁੱਤਰ ਸਾਦਾ ਰਾਮ ਉਸ ਵੇਲੇ ਹੈਰਾਨ ਹੋ ਗਿਆ ਜਦੋਂ ਸਵੇਰੇ ਉਠ ਕੇ ਉਸ ਨੇ ਵੇਖਿਆ ਕਿ ਉਸ ਦੀ ਅਲਟੋ ਕਾਰ ਦੇ ਨਵੇਂ ਟਾਇਰ ਅਲਾਈਵ੍ਹੀਲ ਸਮੇਤ ਚੋਰੀ ਹੋ ਗਏ | ਸੋਮਨਾਥ ਨੇ ਦੱਸਿਆ ਕਿ ਰਾਤ ਉਸ ਨੇ ਆਪਣੀ ਕਾਰ ਘਰ ਦੇ ਸਾਹਮਣੇ ਸੜਕ ਤੇ ਖੜ੍ਹੀ ਕੀਤੀ ਸੀ, ਪਰ ਸਵੇਰੇ ਚਾਰੋ ਟਾਇਰਾਂ ਦੀ ਥਾਂ ਇੱਟਾਂ ਲੱਗੀਆਂ ਹੋਇਆ ਸਨ | ਕਾਂਗਰਸ ਪਾਰਟੀ ਦੇ ਸ਼ਹਿਰੀ ਮਲੋਟ ਦੇ ਪ੍ਰਧਾਨ ਸ਼ਿਵ ਕੁਮਾਰ ਸ਼ਿਵਾ ਨੇ ਕਿਹਾ ਕਿ ਮਲੋਟ ਸ਼ਹਿਰ ਅੰਦਰ ਚੋਰੀਆਂ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ, ਪੁਲਿਸ ਨੂੰ ਰਾਤ ਨੂੰ ਗਸ਼ਤ ਵਧਾਉਣ ਦੀ ਲੋੜ ਹੈ |
