ਸਾਦਿਕ, 21 ਅਕਤੂਬਰ (ਆਰ. ਐਸ. ਧੁੰਨਾ)-ਬੀਤੀ ਰਾਤ ਨੇੜਲੇ ਪਿੰਡ ਸੈਦੇਕੇ ਦੇ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਵਿਖੇ ਚੋਰਾਂ ਵਲੋਂ ਕੀਮਤੀ ਸਾਮਾਨ ਚੋਰੀ ਕਰ ਲਏ ਜਾਣ ਦਾ ਸਮਾਚਾਰ ਹੈ | ਇਸ ਸੰਬੰਧੀ ਥਾਣਾ ਸਾਦਿਕ ਵਿਖੇ ਦਿੱਤੀ ਲਿਖਤੀ ਸ਼ਿਕਾਇਤ 'ਚ ਸਕੂਲ ਮੁਖੀ ਡਾ. ਅਵਤਾਰ ਦੀਪ ਤੇ ਸਕੂਲ ਪ੍ਰਬੰਧਕ ਕਮੇਟੀ ਨੇ ਦੱਸਿਆ ਕਿ ਚੋਰ ਸਕੂਲ 'ਚੋਂ ਪੰਜ ਕੰਪਿਊਟਰ ਸੈਟ ਜਿਸ 'ਚ ਪੰਜ ਸੀ. ਪੀ. ਯੂ., ਪੰਜ ਮੌਨੀਟਰ, ਪੰਜ ਮਾਊਸ, ਪੰਜ ਕੀ ਬੋਰਡ ਤੇ ਇਕ ਪਿ੍ੰਟਰ ਚੋਰੀ ਕਰਕੇ ਲੈ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਚੋਰਾਂ ਨੇ ਸਕੂਲ ਦੇ ਦਫ਼ਤਰ, ਲਾਇਬ੍ਰੇਰੀ ਆਦਿ ਕਮਰਿਆਂ ਦੇ ਤਾਲੇ ਤੋੜ ਕੇ ਦਫ਼ਤਰ 'ਚ ਪਏ ਸਕੂਲੀ ਰਿਕਾਰਡ ਅਤੇ ਸਕੂਲ 'ਚ ਲੱਗੇ ਨਿਗਰਾਨੀ ਕੈਮਰਿਆਂ ਨਾਲ ਵੀ ਛੇੜ ਛਾੜ ਕੀਤੀ ਹੈ | ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਚੋਰੀ ਦੀ ਇਸ ਘਟਨਾ ਦਾ ਜਲਦ ਪਤਾ ਲਗਾਇਆ ਜਾਵੇ |
