ਬਾਬਾ ਬਕਾਲਾ ਸਾਹਿਬ, 23 ਸਤੰਬਰ (ਰਾਜਨ)-ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਬਿਆਸ ਦੇ ਵਿਦਿਆਰਥੀਆਂ ਨੇ ਲਾਈਵ ਓਲੰਪੀਅਡ ਵਿਚ 41 ਮੈਡਲ ਜਿੱਤ ਕੇ ਸਕੂਲ ਦਾ ਅਤੇ ਇਲਾਕੇ ਦਾ ਮਾਣ ਵਧਾਇਆ ਹੈ | ਸਾਇੰਸ, ਮੈਥ ਅਤੇ ਅੰਗਰੇਜ਼ੀ ਵਿਸ਼ਿਆਂ ਵਿਚ ਭਾਗ ਲੈਣ ਵਾਲੇ ਵਿਦਿਆਰਥੀਆਂ ਵਿਚੋਂ ਸ਼ਿਵਤੇਜ ਸਿੰਘ ਨੇ ਅੰਗਰੇਜ਼ੀ ਵਿਸ਼ੇ ਵਿਚ ਰਾਸ਼ਟਰੀ ਪੱਧਰ 'ਤੇ ਪਹਿਲਾ ਸਥਾਨ ਹਾਸਿਲ ਕਰਕੇ ਇਕ ਸਮਾਰਟ ਫੋਨ ਅਤੇ ਗੋਲਡ ਮੈਡਲ ਜਿੱਤਿਆ | ਉੱਥੇ ਦੂਸਰੇ ਪਾਸੇ ਅੰਸ਼ਦੀਪ ਸਿੰਘ ਦਸਵੀਂ ਦੇ ਵਿਦਿਆਰਥੀ ਨੇ ਸਾਇੰਸ ਵਿਚ ਪਹਿਲਾ ਸਥਾਨ ਹਾਸਿਲ ਪ੍ਰਾਪਤ ਕਰਕੇ ਸਮਾਰਟ ਵਾਚ ਅਤੇ ਸੋਨ ਤਗਮਾ ਜਿੱਤਿਆ | ਇਸ ਮੌਕੇ ਫਾਦਰ ਪੋਲ ਰਾਏ ਡਾਇਰੈਕਟਰ, ਸਿਸਟਰ ਅੰਜਲੀ, ਪਿ੍ੰਸੀਪਲ ਨੇ ਵਿਦਿਆਰਥੀਆਂ ਨੂੰ ਇਨਾਮ ਵੰਡੇ ਅਤੇ ਵਧਾਈ ਦਿੱਤੀ | ਇਨ੍ਹਾਂ ਤੋਂ ਇਲਾਵਾ ਸਟੇਜ 'ਤੇ ਮੈਡਮ ਰਿਤਿਕਾ, ਕੋਆਰਡੀਨੇਟਰ, ਮੈਡਮ ਸ਼ੈਲੀ, ਤਰੁਣ ਸ਼ਰਮਾ ਅਤੇ ਹੋਰ ਅਧਿਆਪਕ ਮੌਜੂਦ ਸਨ |
