ਸ੍ਰੀ ਅਨੰਦਪੁਰ ਸਾਹਿਬ, 3 ਦਸੰਬਰ (ਕਰਨੈਲ ਸਿੰਘ)-ਸ੍ਰੀ ਅਨੰਦਪੁਰ ਸਾਹਿਬ ਦੇ ਵਾਰਡ ਨੰਬਰ 1 ਮਾਜਰਾ ਦੇ ਪ੍ਰਾਚੀਨ ਸ਼ੀਤਲਾ ਮਾਤਾ ਮੰਦਰ ਵਿਖੇ ਸਾਲਾਨਾ ਭੰਡਾਰਾ ਕਰਵਾਇਆ ਗਿਆ | ਸਾਲਾਨਾ ਭੰਡਾਰਾ ਬੀਤੇ 83 ਸਾਲਾਂ ਤੋਂ ਲਗਾਤਾਰ ਚੱਲਦਾ ਆ ਰਿਹਾ ਹੈ ਜੋ ਮਾਤਾ ਜੀ ਦੇ ਸੇਵਕਾਂ ਵਲੋਂ ਕਰਵਾਇਆ ਜਾਂਦਾ ਹੈ | ਇਹ ਧਾਰਮਿਕ ਸਮਾਗਮ ਲਾਲਾ ਪ੍ਰਮੋਦ ਕੁਮਾਰ ਡੀ ਸੀ ਭੱਠੇ ਵਾਲੇ, ਲਾਲਾ ਕਪਿਲ ਦੇਵ ਭੱਠੇ ਵਾਲੇ, ਮਹੰਤ ਬਚਨ ਦਾਸ, ਮਨੀਸ਼ ਕੇਅਰ ਪਾਲ, ਮਾਧਵ ਕੇਅਰਪਾਲ ਤੇ ਰਿਸ਼ੀ ਕੇਅਰਪਾਲ ਦੀ ਰਹਿਨੁਮਾਈ ਹੇਠ ਕਰਵਾਇਆ ਗਿਆ | ਇਸ ਦੌਰਾਨ ਸਥਾਨਕ ਚੋਈ ਬਜ਼ਾਰ ਤੋਂ ਜੋਤ ਜਗਾ ਕੇ ਸ਼ੋਭਾ ਯਾਤਰਾ ਕੱਢੀ ਗਈ ਜੋ ਮਾਤਾ ਰਾਣੀ ਦਾ ਗੁਣਗਾਨ ਕਰਦੀ ਹੋਈ ਸ਼ੀਤਲਾ ਮਾਤਾ ਜੀ ਦੇ ਮੰਦਰ 'ਚ ਸੰਪੂਰਨ ਹੋਈ | ਇਸ ਦੌਰਾਨ ਹਵਨ ਯੱਗ ਅਤੇ ਕੰਜਕ ਪੂਜਣ ਤੋਂ ਬਾਅਦ ਮਹੰਤ ਬਚਨ ਦਾਸ ਨੇ ਮਾਤਾ ਜੀ ਨੂੰ ਭੋਗ ਲਗਵਾ ਕੇ ਅਰਦਾਸ ਕੀਤੀ ਅਤੇ ਭੰਡਾਰੇ ਦੀ ਸ਼ੁਰੂਆਤ ਕੀਤੀ ਗਈ | ਇਸ ਦੌਰਾਨ ਭਗਤ ਮੰਡਲੀਆਂ ਵਲੋਂ ਮਾਤਾ ਦੀਆਂ ਭੇਟਾਂ ਗਾ ਕੇ ਮਾਤਾ ਜੀ ਦਾ ਗੁਣਗਾਨ ਕੀਤਾ | ਧਾਰਮਿਕ ਸਮਾਗਮ ਦੌਰਾਨ ਵੱਡੀ ਗਿਣਤੀ 'ਚ ਸੰਗਤਾਂ ਨੇ ਸ਼ਮੂਲੀਅਤ ਕੀਤੀ |
