ਰੂਪਨਗਰ

ਜੰਗਲਾਤ ਵਿਭਾਗ ਰੂਪਨਗਰ ਵਲੋਂ ਕਈ ਸਾਲ ਪਹਿਲਾਂ ਲਗਾਏ ਦਰੱਖ਼ਤਾਂ ਨੂੰ ਇੱਟਾਂ-ਰੋੜੇ ਸੁੱਟ ਕੇ ਪਹੁੰਚਾਇਆ ਜਾ ਰਿਹੈ ਵੱਡਾ ਨੁਕਸਾਨ <br/>

ਫਤਿਹਪੁਰ ਵਿਖ਼ੇ ਸੜਕ ਕਿਨਾਰੇ ਕਈ-ਕਈ ਫੁੱਟ ਇੱਟਾਂ-ਰੋੜਿਆਂ ਦੀ ਲਪੇਟ 'ਚ ਆਏ ਹਰੇ-ਭਰੇ ਦਰੱਖ਼ਤਾਂ ਦੀਆਂ ਤਸਵੀਰਾਂ | ਤਸਵੀਰਾਂ : ਅੰਮਿ੍ਤਪਾਲ ਸਿੰਘ ਬੰਟੀ <br/> 04-12-2025

ਪੁਰਖਾਲੀ, 3 ਦਸੰਬਰ (ਅੰਮਿ੍ਤਪਾਲ ਸਿੰਘ ਬੰਟੀ)-ਜੰਗਲਾਤ ਵਿਭਾਗ ਰੂਪਨਗਰ ਕਈ ਸਾਲ ਪਹਿਲਾਂ ਆਪਣੇ ਹੀ ਵਿਭਾਗ ਵਲੋਂ ਲਗਾਏ ਸਫੈਦੇ ਤੇ ਹੋਰ ਦਰੱਖ਼ਤਾਂ ਦੀ ਸਾਂਭ-ਸੰਭਾਲ ਅਤੇ ਇਨ੍ਹਾਂ ਦੀ ਹਿਫਾਜਤ ਕਰਨ ਤੋਂ ਮੁਨਕਰ ਹੋ ਗਿਆ ਜਾਪਦਾ ਹੈ, ਜਿਸ ਨੂੰ ਵਿਭਾਗ ਦੀ ਵੱਡੀ ਲਾਪ੍ਰਵਾਹੀ ਵੀ ਦੱਸਿਆ ਜਾ ਰਿਹਾ ਹੈ | ਇਸ ਸੰਬੰਧੀ ਇਲਾਕੇ ਦੀਆਂ ਵੱਖ-ਵੱਖ ਸ਼ਖ਼ਸੀਅਤਾਂ ਨੇ ਦੱਸਿਆ ਕਿ ਜੰਗਲਾਤ ਵਿਭਾਗ ਰੂਪਨਗਰ ਵਲੋਂ ਬਹੁਤ ਸਾਲ ਪਹਿਲਾਂ ਭੰਗਾਲਾ ਜੰਗਲ ਤੋਂ ਲੈ ਕੇ ਫਤਿਹਪੁਰ ਜੰਗਲ ਅਤੇ ਬਾਗਵਾਲੀ-ਭੰਗਾਲਾ ਸੜਕ ਦੇ ਨਾਲ ਸਫੈਦੇ ਅਤੇ ਹੋਰ ਦਰੱਖਤ ਲਗਾਏ ਸਨ ਜੋ ਕਿ ਇਸ ਸਮੇਂ ਬਹੁਤ ਵੱਡੇ ਤੇ ਪੁਰਾਣੇ ਦਰੱਖਤ ਹੋ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਫਤਿਹਪੁਰ ਵਿਖ਼ੇ ਸੜਕ 'ਤੇ ਪੈਂਦੇ ਇਕ ਭੱਠੇ ਨੂੰ ਜੋ ਰਸਤਾ ਜਾਂਦਾ ਹੈ ਉਸ ਦੇ ਨੇੜੇ-ਤੇੜੇ ਜੰਗਲਾਤ ਵਿਭਾਗ ਵਲੋਂ ਲਗਾਏ ਦਰੱਖਤ ਖੜੇ੍ਹ ਹਨ | ਉਨ੍ਹਾਂ ਦੱਸਿਆ ਕਿ ਉਕਤ ਏਰੀਆ ਜੰਗਲਾਤ ਵਿਭਾਗ ਦਾ ਹੋਣ ਸਦਕਾ ਕਾਨੂੰਨੀ ਅੜਚਣਾਂ ਆਉਣ ਕਾਰਨ ਬਾਗਵਾਲੀ ਤੋਂ ਲੈ ਕੇ ਭੰਗਾਲਾ ਕਾਜਵੇਅ ਤੱਕ ਸੜਕ ਵੀ ਚੌੜੀ ਨਹੀਂ ਹੋ ਸਕੀ | ਉਨ੍ਹਾਂ ਦੱਸਿਆ ਕਿ ਪਰ ਪਿਛਲੇ ਕਈ ਸਾਲਾਂ ਤੋਂ ਭੱਠੇ ਵਾਲਿਆਂ ਵਲੋਂ ਇਟਾਂ-ਰੋੜੇ ਸੁੱਟ ਕੇ ਕਬਜ਼ਾ ਕੀਤਾ ਹੋਇਆ ਹੈ | ਉਨ੍ਹਾਂ ਦੱਸਿਆ ਕਿ ਵਿਭਾਗ ਵਲੋਂ ਲਗਾਏ ਦਰੱਖਤਾਂ ਨੂੰ ਕਈ ਕਈ ਫੁੱਟ ਇੱਟਾਂ-ਰੋੜਿਆਂ ਨਾਲ ਦੱਬਿਆ ਹੋਇਆ ਹੈ, ਜਿਸ ਕਾਰਨ ਇਨ੍ਹਾਂ ਦਰੱਖਤਾਂ ਦਾ ਵਿਕਾਸ ਰੁਕ ਗਿਆ ਹੈ ਤੇ ਦਰੱਖਤਾਂ 'ਚੋਂ ਕਈ ਵੱਡੇ ਦਰੱਖਤ ਸੁੱਕ ਵੀ ਚੁੱਕੇ ਹਨ ਤੇ ਕਈਆਂ ਨੂੰ ਸਿਉਂਕ ਲੱਗ ਗਈ ਹੈ | ਇਸ ਸੰਬੰਧੀ ਉਕਤ ਭੱਠਾ ਮਾਲਕ ਨੇ ਕਿਹਾ ਕਿ ਜਦ ਤੋਂ ਅਸੀਂ ਇਹ ਭੱਠਾ ਲਿਆ ਤਦ ਤੋਂ ਹੀ ਇਥੇ ਇੱਟਾਂ-ਰੋੜੇ ਸੁੱਟੇ ਜਾ ਰਹੇ ਹਨ ਅਤੇ ਸੜਕ ਤੋਂ ਭੱਠੇ ਨੂੰ ਰਸਤਾ ਵੀ ਪੁਰਾਣਾ ਜਾ ਰਿਹਾ ਹੈ | ਇਸ ਸੰਬੰਧੀ ਵਣ ਰੇਂਜ ਅਫ਼ਸਰ ਨੇ ਕਿਹਾ ਕਿ ਉਹ ਖੁਦ ਜਾ ਕੇ ਮੌਕਾ ਵੇਖਣਗੇ ਤੇ ਬਣਦੀ ਕਾਰਵਾਈ ਕਰਨਗੇ |

ਪਿਛਲੀ ਖ਼ਬਰ ਮਾਤਾ ਸ਼ੀਤਲਾ ਜੀ ਮੰਦਰ ਵਿਖੇ ਸਾਲਾਨਾ ਭੰਡਾਰਾ ਕਰਵਾਇਆ <br/> ਅਗਲੀ ਖ਼ਬਰ ਪਿੰਡ ਕਲਾਰਾਂ 'ਚ ਚਿੱਪ ਵਾਲੇ ਮੀਟਰਾਂ ਨੂੰ ਲੈ ਕੇ ਪਿੰਡ ਵਾਸੀਆਂ ਵਲੋਂ ਬਿਜਲੀ ਕਰਮਚਾਰੀਆਂ ਦਾ ਵਿਰੋਧ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਜੰਗਲਾਤ ਵਿਭਾਗ ਰੂਪਨਗਰ ਵਲੋਂ ਕਈ ਸਾਲ ਪਹਿਲਾਂ ਲਗਾਏ ਦਰੱਖ਼ਤਾਂ ਨੂੰ ਇੱਟਾਂ-ਰੋੜੇ ਸੁੱਟ ਕੇ ਪਹੁੰਚਾਇਆ ਜਾ ਰਿਹੈ ਵੱਡਾ ਨੁਕਸਾਨ <br/>

Subscribers Only Story

ਸੰਬੰਧਿਤ ਖ਼ਬਰਾਂ