ਡੇਰਾਬੱਸੀ, 30 ਅਗਸਤ (ਗੁਰਮੀਤ ਸਿੰਘ)-ਬੀਤੇ ਦਿਨ ਖੇਤਰ 'ਚ ਬਣੇ ਹੜ੍ਹ ਵਰਗੇ ਹਾਲਾਤਾਂ 'ਚ ਡੇਰਾਬੱਸੀ ਖੇਤਰ 'ਚ ਚਾਰੇ ਪਾਸੇ ਪਾਣੀ ਹੀ ਪਾਣੀ ਹੋ ਗਿਆ | ਇਸ ਦੌਰਾਨ ਪਿੰਡ ਮੁਕੰਦਪੁਰ ਤੋਂ ਜਵਾਹਰਪੁਰ ਨੂੰ ਜਾਂਦੀ ਸੜਕ 'ਤੇ ਪੈਂਦੇ ਬਰਸਾਤੀ ਨਾਲੇ 'ਚ ਪਾਣੀ ਦਾ ਪੱਧਰ ਬਹੁਤ ਜ਼ਿਆਦਾ ਵਧ ਗਿਆ ਸੀ | ਉਕਤ ਨਾਲਾ ਜਿਸ ਥਾਂ ਤੋਂ ਸੜਕ ਪਾਰ ਜਾ ਰਿਹਾ ਸੀ, ਉਥੇ ਭਾਰੀ ਮਾਤਰਾ 'ਚ ਪਾਣੀ ਵੱਗ ਰਿਹਾ ਸੀ | ਆਵਾਜਾਈ ਲਈ ਰਾਹ ਬਿਲਕੁੱਲ ਬੰਦ ਹੋ ਗਿਆ ਸੀ, ਜਿਸ ਦੇ ਚਲਦਿਆਂ ਕੁਝ ਲੋਕ ਜਾਨ ਤਲੀ 'ਤੇ ਧਰ ਕੇ ਪੈਦਲ ਹੀ ਪਾਣੀ 'ਚੋਂ ਨਿਕਲਦੇ ਦੇਖੇ ਗਏ | ਅਜਿਹੇ 'ਚ ਲੋਕ ਹਾਦਸੇ ਦਾ ਸ਼ਿਕਾਰ ਹੋ ਸਕਦੇ ਸਨ, ਹਾਲਾਂਕਿ ਪ੍ਰਸ਼ਾਸਨ ਵਲੋਂ ਲੋਕਾਂ ਨੂੰ ਪਾਣੀ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਜਾ ਰਹੀ ਸੀ |
