ਲੁਧਿਆਣਾ, 31 ਮਈ (ਜਗਮੀਤ ਸਿੰਘ)-ਆਪਣੇ ਬਿਆਨਾਂ ਅਤੇ ਟਿੱਪਣੀ ਨਾਲ ਅਕਸਰ ਹੀ ਚਰਚਾ 'ਚ ਰਹਿਣ ਵਾਲੇ ਹਾਸਿਲ ਕਲਾਕਾਰ ਅਤੇ ਵੈਲਡਰ ਨੀਟੂ ਉਰਫ਼ ਨੀਟੂ ਸ਼ੱਟਰਾਂ ਵਾਲੇ ਵਲੋਂ ਵਿਧਾਨ ਸਭਾ ਹਲਕਾ ਲੁਧਿਆਣਾ ਪੱਛਮੀ ਤੋਂ ਬਤੌਰ ਆਜ਼ਾਦ ਉਮੀਦਵਾਰ ਆਪਣਾ ਨਾਮਜ਼ਦਗੀ ਪੱਤਰ ਭਰਿਆ ਗਿਆ ਹੈ | ਜਲੰਧਰ ਵਿਧਾਨ ਸਭਾ ਹਲਕਾ ਉਤਰੀ ਅਧੀਨ ਆਉਂਦੇ ਮੁਹੱਲਾ ਸ਼ਾਹ ਸਿਕੰਦਰ, ਟਾਂਡਾ ਰੋਡ ਦੇ ਰਹਿਣ ਵਾਲੇ ਕੋਰੇ ਅਨਪੜ੍ਹ 40 ਸਾਲਾ ਨੀਟੂ ਸ਼ੱਟਰਾਂ ਵਾਲੇ ਦੀ ਸਾਲਾਨਾ ਆਮਦਨ 4 ਲੱਖ 60 ਰੁਪਏ ਦੇ ਕਰੀਬ ਹੈ, ਜਦਕਿ ਉਸਦੀ ਪਤਨੀ ਦੀ ਸਾਲਾਨਾ ਆਮਦਨ ਉਸ ਨਾਲੋਂ ਜ਼ਿਆਦਾ 5 ਲੱਖ 10 ਹਜ਼ਾਰ ਦੇ ਕਰੀਬ ਹੈ | ਵਿਧਾਨ ਸਭਾ ਹਲਕਾ ਲੁਧਿਆਣਾ ਪੱਛਮੀ ਦੀ ਚੋਣ ਲੜਨ ਲਈ ਆਜ਼ਾਦ ਉਮੀਦਵਾਰ ਵਜੋਂ ਨਾਮਜ਼ਦਗੀ ਦਾਖਲ ਕਰਨ ਵਾਲੇ ਨੀਟੂ ਸ਼ੱਟਰਾਂ ਵਾਲੇ ਕੋਲ 50 ਹਜ਼ਾਰ ਰੁਪਏ ਨਕਦ ਹਨ |
