ਅੰਮਿ੍ਤਸਰ, 4 ਦਸੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਭਾਰਤੀਯ ਮਜਦੂਰ ਸੰਘ ਅੰਮਿ੍ਤਸਰ ਦੀ ਮੀਟਿੰਗ ਪ੍ਰਧਾਨ ਰਾਮ ਲੁਭਾਇਆ ਦੀ ਪ੍ਰਧਾਨਗੀ ਹੇਠ ਬਜਰੰਗ ਦਲ ਮੰਦਰ ਸ਼ਿਵਾਲਾ ਭਾਈਆਂ ਵਿਖੇ ਹੋਈ, ਜਿਸ 'ਚ ਮਜ਼ਦੂਰ ਵਰਗ ਨੂੰ ਆ ਰਹੀਆਂ ਦਰਪੇਸ਼ ਮੁਸ਼ਕਿਲਾਂ 'ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਇਸ ਮੌਕੇ ਜ਼ਿਲ੍ਹਾ ਸਕੱਤਰ ਮਨਜੀਤ ਸਿੰਘ ਨੇ ਸਰਕਾਰ ਵਲੋਂ ਮਜ਼ਦੂਰਾਂ ਨੂੰ ਦਿੱਤੀਆਂ ਜਾ ਰਹੀਆਂ ਨਾ ਮਾਤਰ ਸਹੂਲਤਾਂ 'ਤੇ ਚਾਨਣਾ ਪਾਇਆ | ਉਨ੍ਹਾਂ ਨੇ ਨਵੀਂ ਪੈਨਸ਼ਨ ਸਕੀਮ ਨੂੰ ਬੰਦ ਕਰਨ ਅਤੇ ਪੁਰਾਣੀ ਪੈਨਸ਼ਨ ਸਕੀਮ ਨੂੰ ਲਾਗੂ ਕਰਨ ਦੀ ਵੀ ਮੰਗ ਕੀਤੀ | ਸੋਹਨ ਲਾਲ ਗੁਪਤਾ ਮੁਖੀ ਭਾਰਤੀਯ ਮਜ਼ਦੂਰ ਸੰਘ (ਉੱਤਰੀ) ਨੇ ਸੰਘ ਦੇ ਪਿਛੋਕੜ ਬਾਰੇ ਦੱਸਦੇ ਹੋਏ ਸੰਘ ਦੇ ਆਗੂਆਂ ਨੂੰ ਇਕਜੱੁਟ ਰਹਿ ਕੇ ਇਸਨੂੰ ਹੋਰ ਮਜਬੂਤ ਕਰਨ 'ਤੇ ਜ਼ੋਰ ਦਿੱਤਾ | ਨਾਲ ਹੀ ਉਨ੍ਹਾਂ ਨੇ ਸਾਰਿਆਂ ਨੂੰ ਸਰਕਾਰੀ ਨੀਤਿਆਂ ਅਤੇ ਲੇਬਰ ਕਾਨੂੰਨ ਦੇ ਬਾਰੇ ਜਾਣੰੂ ਕਰਵਾਇਆ | ਇਸ ਮੌਕੇ ਸੀਨੀਅਰ ਆਗੂ ਕਰਤਾਰ ਸਿੰਘ ਮੁਖੀ ਅੰਮਿ੍ਤਸਰ, ਸੰਤੋਖ ਸਿੰਘ, ਜਗਦੀਸ਼ ਚੰਦਰ, ਵਿਪਨ ਕੁਮਾਰ, ਸੁੱਚਾ ਸਿੰਘ ਆਦਿ ਹਾਜ਼ਰ ਸਨ |
