ਫ਼ਾਜ਼ਿਲਕਾ, 3 ਦਸੰਬਰ (ਦਵਿੰਦਰ ਪਾਲ ਸਿੰਘ)-ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਅਧੀਨ ਆਉਂਦੇ ਕਾਲਜਾਂ ਦੇ ਜ਼ੋਨ ਸੀ ਦੀ ਸਕਿੱਲ ਇਨ ਟੀਚਿੰਗ ਅਤੇ ਟੀਚਿੰਗ ਏਡ ਪ੍ਰੀਪਰੇਸ਼ਨ ਦੀ ਪ੍ਰਤੀਯੋਗਤਾ ਕੇਨਵੇ ਕਾਲਜ ਆਫ਼ ਐਜੂਕੇਸ਼ਨ ਅਬੋਹਰ, ਡੀ.ਏ.ਵੀ. ਕਾਲਜ ਆਫ਼ ਐਜੂਕੇਸ਼ਨ ਅਬੋਹਰ ਅਤੇ ਦੇਵ ਸਮਾਜ ਕਾਲਜ ਆਫ਼ ਐਜੂਕੇਸ਼ਨ ਫ਼ਿਰੋਜ਼ਪੁਰ ਵਿਖੇ ਕਰਵਾਈ ਗਈ | ਇਸ ਜ਼ੋਨ ਵਿਚ ਲਗਭਗ ਵੀਹ ਕਾਲਜਾਂ ਨੇ ਭਾਗ ਲਿਆ | ਇਸ ਪ੍ਰਤੀਯੋਗਤਾ ਵਿਚ ਡੀ.ਏ.ਵੀ. ਕਾਲਜ ਆਫ਼ ਐਜੂਕੇਸ਼ਨ ਫ਼ਾਜ਼ਿਲਕਾ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਵਿਦਿਆਰਥਣ ਮਨੀਸ਼ਾ ਨੇ ਸਮਾਜਿਕ ਸਿੱਖਿਆ ਵਿਸ਼ੇ ਵਿਚ ਸਕਿੱਲ ਇਨ ਟੀਚਿੰਗ 'ਚ ਤੀਸਰਾ ਸਥਾਨ, ਮੋਨਿਕਾ ਨੇ ਪੰਜਾਬੀ ਵਿਸ਼ੇ ਵਿਚ ਤੀਸਰਾ ਸਥਾਨ ਅਤੇ ਸਿਮਰਨ ਨੇ ਪੰਜਾਬੀ ਵਿਸ਼ੇ 'ਚ ਟੀਚਿੰਗ ਏਡ ਪ੍ਰੀਪਰੇਸ਼ਨ ਵਿਚ ਤੀਸਰਾ ਸਥਾਨ ਪ੍ਰਾਪਤ ਕਰਕੇ ਕਾਲਜ ਦਾ ਮਾਣ ਵਧਾਇਆ | ਇਸ ਤੋਂ ਇਲਾਵਾ ਮੁਕੇਸ਼ ਨੇ ਹਿੰਦੀ ਅਤੇ ਕਰਨਵੀਰ ਨੇ ਸਮਾਜਿਕ ਵਿਸ਼ੇ ਦੀ ਟੀਚਿੰਗ ਏਡ ਪ੍ਰੀਪਰੇਸ਼ਨ ਅਤੇ ਪ੍ਰੀਤੀ ਨੇ ਇੰਗਲਿਸ਼ ਦੀ ਸਕਿੱਲ ਇਨੰ ਟੀਚਿੰਗ ਵਿਚ ਭਾਗ ਲਿਆ | ਪਿ੍ੰਸੀਪਲ ਡਾ. ਅਨੁਰਾਗ ਅਸੀਜਾ ਜੀ ਨੇ ਜੇਤੂ ਵਿਦਿਆਰਥੀਆਂ ਅਤੇ ਸਮੂਹ ਸਟਾਫ਼ ਨੂੰ ਵਧਾਈ ਦਿੱਤੀ ਅਤੇ ਵਿਦਿਆਰਥੀਆਂ ਨੂੰ ਆਉਣ ਵਾਲੇ ਸਮੇਂ ਵਿਚ ਹੋਣ ਵਾਲੀਆਂ ਪ੍ਰਤੀਯੋਗਤਾਵਾਂ ਵਿਚ ਭਾਗ ਲੈਣ ਲਈ ਪ੍ਰੇਰਿਤ ਕੀਤਾ |