ਫ਼ਾਜ਼ਿਲਕਾ,31ਮਈ (ਦਵਿੰਦਰ ਪਾਲ ਸਿੰਘ)-ਇਕ ਭਾਰਤ ਸੇ੍ਰਸ਼ਠ ਭਾਰਤ ਦੇ ਤਹਿਤ 65ਵੀ ਬਟਾਲੀਅਨ ਬੀ.ਐਸ.ਐਫ.ਦੇ ਕਮਾਡੈਂਟ ਵੀ.ਬੀ ਯਾਦਵ ਦੀ ਅਗਵਾਈ ਵਿਚ 10 ਕਿੱਲੋਮੀਟਰ ਦੀ ਪੈਦਲ ਯਾਤਰਾ ਕਰਵਾਈ ਗਈ | ਇਸ ਯਾਤਰਾ ਵਿਚ ਬਟਾਲੀਅਨ ਦੇ 7 ਅਧਿਕਾਰੀ, ਅਧੀਨ ਅਧਿਕਾਰੀ ਸਮੇਤ 87 ਜਵਾਨਾਂ ਨੇ ਅਤੇ ਬਟਾਲੀਅਨ ਦੇ ਪਰਿਵਾਰ ਭਲਾਈ ਵਿਭਾਗ ਦੀ ਚੀਫ਼ ਐਗਜ਼ੀਕਿਊਟਿਵ ਸ੍ਰੀਮਤੀ ਅਨੀਤਾ ਯਾਦਵ ਦੀ ਅਗਵਾਈ ਹੇਠ ਬੱਚਿਆਂ ਅਤੇ ਅÏਰਤਾਂ ਸਮੇਤ ਕੁੱਲ 29 ਬਾਵਾ ਪਰਿਵਾਰਾਂ ਨੇ ਭਾਗ ਲਿਆ | ਇਸ ਯਾਤਰਾ ਦਾ ਮਕਸਦ ਆਮ ਲੋਕਾਂ ਵਿਚ ਆਪਸੀ ਸਾਂਝ ਤੇ ਦੇਸ਼ ਦੀ ਇੱਕਜੁੱਟਤਾ ਪ੍ਰਤੀ ਜਾਗਰੂਕਤਾ ਫੈਲਾਉਣਾ ਸੀ | ਇੱਕ ਭਾਰਤ ਸੇ੍ਰਸ਼ਠ ਭਾਰਤ' ਇੱਕ ਅਜਿਹਾ ਮੁਹਿੰਮ ਹੈ ਜੋ ਭਾਰਤ ਸਰਕਾਰ ਵਲ਼ੋਂ ਸਨ 2015 ਵਿਚ ਸ਼ੁਰੂ ਕੀਤਾ ਗਿਆ ਸੀ | ਇਸ ਦਾ ਮਕਸਦ ਭਾਰਤ ਦੇ ਵੱਖ-ਵੱਖ ਰਾਜਾਂ ਵਿਚ ਵੱਸਦੇ ਲੋਕਾਂ, ਉਨ੍ਹਾਂ ਦੀਆਂ ਵੱਖਰੀਆਂ ਭਾਸ਼ਾਵਾਂ, ਰਹਿਣ-ਸਹਿਣ, ਖਾਣ-ਪੀਣ ਅਤੇ ਸੰਸਕਾਰਾਂ ਵਿਚਕਾਰ ਭਾਈਚਾਰਾ, ਮੈਤਰੀ ਭਾਵਨਾ ਅਤੇ ਏਕਤਾ ਨੂੰ ਵਧਾਉਣਾ ਹੈ ਤਾਂ ਜੋ ਦੇਸ਼ ਨੂੰ ਇੱਕ ਮਜ਼ਬੂਤ ਭਾਰਤ ਵਜੋਂ ਉਭਾਰਿਆ ਜਾ ਸਕੇ | ਇਸ ਮੁਹਿੰਮ ਤਹਿਤ ਭਾਰਤ ਸਰਕਾਰ ਦੇ ਵੱਖ-ਵੱਖ ਵਿਭਾਗ ਆਪਸ ਵਿਚ ਮਿਲ ਕੇ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਕਰਦੇ ਹਨ ਤਾਂ ਜੋ ਆਮ ਲੋਕਾਂ ਵਿਚ ਇਹ ਸੁਨੇਹਾ ਪਹੁੰਚ ਸਕੇ ਕਿ ਇੱਕ ਭਾਰਤ ਸੇ੍ਰਸ਼ਠ ਭਾਰਤ ਇੱਕ ਸ਼ਕਤੀਸ਼ਾਲੀ ਦੇਸ਼ ਹੈ |
