ਫ਼ਾਜ਼ਿਲਕਾ, 31 ਮਈ (ਅਮਰਜੀਤ ਸ਼ਰਮਾ)-ਸਥਾਨਕ ਜਯੋਤੀ ਬੀ.ਐਡ ਕਾਲਜ ਰਾਮਪੁਰਾ ਫ਼ਾਜ਼ਿਲਕਾ ਦੀ ਕਮੇਟੀ ਦੇ ਚੇਅਰਮੈਨ ਸੁਰਿੰਦਰ ਕੁਮਾਰ ਠਕਰਾਲ, ਰੌਸ਼ਨ ਲਾਲ ਠੱਕਰ, ਸੇਵਾਮੁਕਤ ਪ੍ਰੋਫੈਸਰ ਸਤਪਾਲ ਗੁਪਤਾ, ਸੁਭਾਸ਼ ਅਰੋੜਾ ਅਤੇ ਕਾਲਜ ਪਿ੍ੰਸੀਪਲ ਅਨੀਤਾ ਅਰੋੜਾ ਦੀ ਯੋਗ ਅਗਵਾਈ ਹੇਠ ਵਿਸ਼ਵ ਤੰਬਾਕੂ ਮੁਕਤ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਡੀ. ਐਲ. ਐਡ ਸੈਸ਼ਨ 2023-25 (ਸਾਲ 2) ਦੇ ਵਿਦਿਆਰਥੀਆਂ ਨੇ ਕਲਾਕਿ੍ਤੀਆਂ ਵਿਚ ਹਿੱਸਾ ਲਿਆ | ਇਸ ਵਿਚ ਰਿਫਾ, ਅਨੀਤਾ, ਗਗਨ ਨੇ ਕਵਿਤਾ ਪਾਠ ਵਿਚ ਹਿੱਸਾ ਲਿਆ | ਅਨਮੋਲ, ਵੰਸ਼ਿਕਾ, ਪਰਿਕਾ, ਵਨੀਤਾ ਨੇ ਚਾਰਟ ਮੇਕਿੰਗ ਵਿਚ ਹਿੱਸਾ ਲਿਆ ਅਤੇ ਸੰਦੀਪ, ਸੁਮਿਤ, ਗੁਰਜੀਤ, ਅਨੁਰਾਧਾ ਨੇ ਲੇਖ ਲਿਖਣ ਵਿਚ ਹਿੱਸਾ ਲਿਆ | ਕਾਲਜ ਪਿ੍ੰਸੀਪਲ ਡਾ. ਅਨੀਤਾ ਅਰੋੜਾ ਨੇ ਵਿਦਿਆਰਥੀਆਂ ਨੂੰ ਨਸ਼ੇ ਦੇ ਮਾੜੇ ਪ੍ਰਭਾਵਾਂ ਬਾਰੇ ਜਾਗਰੂਕ ਕੀਤਾ | ਇਸ ਤੋਂ ਇਲਾਵਾ ਰੈੱਡ ਰਿਬਨ ਕਲੱਬ ਦੇ ਇੰਚਾਰਜ ਪੰਕਜ ਕੁਮਾਰ ਅਤੇ ਗੁਰਸੇਵਕ ਸਿੰਘ ਵਲ਼ੋਂ ਨਸ਼ੇ ਦੀ ਰੋਕਥਾਮ ਬਾਰੇ ਜਾਣਕਾਰੀ ਦਿੱਤੀ ਗਈ |
