ਬਟਾਲਾ, 31 ਮਈ (ਹਰਦੇਵ ਸਿੰਘ ਸੰਧੂ)-ਆਗਿਆਵੰਤੀ ਮਰਵਾਹਾ ਡੀ.ਏ.ਵੀ. ਸੀਨੀਅਰ ਸੈਕੰਡਰੀ ਸਕੂਲ ਬਟਾਲਾ ਦੇ ਵਿਦਿਆਰਥੀਆਂ ਨੇ ਐੱਨ.ਸੀ.ਸੀ. ਕੈਂਪ ਦੇ ਦੌਰਾਨ ਵੱਖ-ਵੱਖ ਖੇਡਾਂ ਅਤੇ ਸੱਭਿਆਚਾਰਕ ਮੁਕਾਬਲਿਆਂ ਵਿਚ ਭਾਗ ਲਿਆ | ਇਹ ਕੈਂਪ ਐੱਨ.ਸੀ.ਸੀ. ਦੀ 22 ਪੰਜਾਬ ਬਟਾਲੀਅਨ ਵਲੋਂ ਸ੍ਰੀ ਗੁਰੂ ਅਰਜਨ ਦੇਵ ਖ਼ਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਧਾਰੀਵਾਲ ਵਿਖੇ ਲਗਾਇਆ ਗਿਆ | ਕੈਂਪ ਵਿਚ ਆਗਿਆਵੰਤੀ ਮਰਵਾਹਾ ਸਕੂਲ ਬਟਾਲਾ ਦੇ 13 ਵਿਦਿਆਰਥੀਆਂ ਨੇ ਭਾਗ ਲਿਆ ਅਤੇ ਦਮਨਜੋਤ ਕੌਰ ਨੇ 4 ਸੋਨ, ਨੀਤਿਕਾ ਨੇ 3 ਸੋਨ, ਹਰਸ਼ਿਤਾ ਇਕ ਸੋਨ, ਰਮਨ ਸ਼ਰਮਾ ਇਕ ਸੋਨ, ਸਕਸ਼ਮ ਸ਼ਰਮਾ 2 ਸੋਨ ਤੇ ਇਕ ਚਾਂਦੀ, ਕ੍ਰਿਸ਼ਨਾ ਇਕ ਸੋਨ ਤੇ ਇਕ ਚਾਂਦੀ, ਅੰਕਿਤ ਇਕ ਚਾਂਦੀ, ਸਿਮਰਨਜੀਤ ਕੌਰ ਇਕ ਚਾਂਦੀ, ਵਿਸ਼ਾਲੀ ਇਕ ਚਾਂਦੀ, ਸਹਿਜ ਇਕ ਚਾਂਦੀ ਦਾ ਤਮਗਾ ਪ੍ਰਾਪਤ ਕਰ ਕੇ ਸਕੂਲ ਦਾ ਨਾਂਅ ਰੌਸ਼ਨ ਕੀਤਾ | ਕੈਂਪ ਦੌਰਾਨ ਵਿਦਿਆਰਥੀਆਂ ਨੇ ਕੁੱਲ 18 ਤਮਗੇ ਹਾਸਿਲ ਕੀਤੇ ਜਿਸ ਵਿਚ 12 ਸੋਨ ਤੇ 6 ਚਾਂਦੀ ਦੇ ਹਨ | ਪਿ੍ੰਸੀਪਲ ਅੰਜੂ ਵਰਮਾ ਨੇ ਦੱਸਿਆ ਕਿ ਸਕੂਲ ਦੇ ਵਿਦਿਆਰਥੀਆਂ ਦਾ ਕੈਂਪ ਸੀ.ਏ.ਟੀ.ਸੀ.-01 ਕੈਂਪ ਕਰਨਲ ਵਿਚਾਰ ਮੈਗੋ ਦੀ ਅਗਵਾਈ ਹੇਠ ਕੀਤਾ ਗਿਆ, ਜਿਸ ਦੇ ਇੰਚਾਰਜ ਜਗਦੀਪ ਸਿੰਘ (ਸੀ.ਟੀ.ਓ.) ਸਨ |
