ਨਾਭਾ, 4 ਦਸੰਬਰ (ਕਰਮਜੀਤ ਸਿੰਘ)-ਨਾਭਾ ਦੀ ਸਰਕੁਲਰ ਰੋਡ ਜੋ ਕਿ ਦੁਲੱਦੀ ਪਿੰਡ ਦੀ ਪੁਰਾਣੀ ਚੁੰਗੀ ਤੋਂ ਰੋਹਟੀ ਪੁਲ ਤੱਕ ਜਾਂਦੀ ਹੈ ਜਿੱਥੇ ਕਿ ਬੀਤੇ 40 ਦਿਨਾਂ ਵਿਚ ਚਾਰ ਮੌਤਾਂ ਹੋ ਚੁੱਕੀਆਂ ਹਨ ਪ੍ਰੰਤੂ ਪੁਲਿਸ ਪ੍ਰਸ਼ਾਸਨ ਦਾ ਇਸ ਵੱਲ ਕੋਈ ਖਿਆਲ ਨਹੀਂ ਹੈ ਕਿ ਰਾਹਗੀਰਾਂ ਦੀ ਸੁਰੱਖਿਆ ਕਿਵੇਂ ਕੀਤੀ ਜਾਵੇ | ਇਹ ਗੱਲ ਪ੍ਰੀਤ ਵਿਹਾਰ ਵੈੱਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਤੇ ਸੀਨੀਅਰ ਕੌਂਸਲਰ ਅਸ਼ੋਕ ਬਿੱਟੂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਹੀ | ਉਨ੍ਹਾਂ ਕਿਹਾ ਕਿ ਇਹ ਸੜਕ ਜੋ ਕਿ ਮਲੇਰਕੋਟਲਾ, ਸੰਗਰੂਰ ਦੇ ਟਰੈਫ਼ਿਕ ਨੂੰ ਨਾਭਾ ਨਾਲ ਜੋੜਦੀ ਹੈ ਤੇ ਇਸ ਸੜਕ ਤੋਂ ਭਾਰੀ ਵਾਹਨ ਗੁਜ਼ਰਦੇ ਹਨ ਜੋ ਕਿ ਛੋਟੇ ਵਾਹਨਾਂ ਨੂੰ ਹਾਦਸੇ ਦਾ ਸ਼ਿਕਾਰ ਬਣਾਉਂਦੇ ਹਨ ਤੇ ਇਸ ਸੰਬੰਧੀ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਵੱਡੇ ਕਦਮ ਚੁੱਕਣੇ ਚਾਹੀਦੇ ਹਨ | ਉਨ੍ਹਾਂ ਇਹ ਵੀ ਕਿਹਾ ਕਿ ਆ ਰਹੀਆਂ ਸਰਦੀਆਂ ਦੀ ਰੁੱਤ 'ਚ ਧੁੰਦ ਪੈਣ ਕਾਰਨ ਹਾਦਸਿਆਂ ਤੋਂ ਬਚਣ ਲਈ ਵੱਡੇ ਇੰਤਜ਼ਾਮ ਕਰਨੇ ਜ਼ਰੂਰੀ ਹਨ |
