ਪੰਜਾਬ ਬੰਦ ਦੇ ਸੱਦੇ ’ਤੇ ਅੱਡਾ ਕੋਟਫ਼ਤੂਹੀ ਬਾਜਾਰ ਪੂਰਨ ਤੌਰ ’ਤੇ ਬੰਦ

ਕੋਟਫ਼ਤਹੀ (ਹੁਸ਼ਿਆਰਪੁਰ), 21 ਅਗਸਤ (ਅਵਤਾਰ ਸਿੰਘ ਅਟਵਾਲ)-ਬੰਦੀ ਸਿੰਘਾਂ ਦੀ ਰਿਹਾਈ ਦੀ ਮੰਗ ਨੂੰ  ਲੈ ਕੇ 'ਕੌਮੀ ਇਨਸਾਫ਼ ਮੋਰਚੇ' ਵੱਲੋ ਦਿੱਤੇ ਗਏ ਪੰਜਾਬ ਬੰਦ ਦੇ ਸੱਦੇ ਦਾ ਅਸਰ ਅੱਡਾ ਕੋਟਫ਼ਤੂਹੀ, ਠੁਆਣਾ, ਪਾਲਦੀ, ਕਟਾਰੀਆ, ਅੱਡਾ ਈਸਪੁਰ ਦੇ ਮੁੱਖ ਬਾਜਾਰ ਅਤੇ ਵਪਾਰਕ ਅਦਾਰੇ ਪ੍ਰਭਾਵਿਤ ਰਹੇ ਤੇ ਮੈਡੀਕਲ ਸਟੋਰਾਂ ਨੂੰ  ਛੱਡ ਕੇ ਦੁਕਾਨਾਂ ਪੂਰਨ ਤੌਰ ਤੇ ਬੰਦ ਰਹੀਆ | ਇਸ ਦੌਰਾਨ ਬਿਸਤ ਦੁਆਬ ਨਹਿਰ ਵਾਲੇ ਚੁਰਸਤੇ ਦੇ ਪੁਲ ਉੱਪਰ ਲਗਾਏ ਜਾਮ ਕਾਰਨ ਆਵਾਜਾਈ ਵੀ ਬੰਦ ਹੈ | ਇਸ ਮੌਕੇ ਲਗਾਏ ਧਰਨੇ ਵਿਚ ਜਥੇ. ਇਕਬਾਲ ਸਿੰਘ ਖੇੜਾ, ਜਸਵੀਰ ਸਿੰਘ ਨਡਾਲੋ, ਜਥੇ. ਨਰਿੰਦਰ ਸਿੰਘ, ਲਖਵੀਰ ਸਿੰਘ ਨਡਾਲੋ, ਜਸਕਰਨ ਸਿੰਘ ਲੇਹਲ ਮੰਨਣਹਾਨਾ, ਪਰਮਜੀਤ ਸਿੰਘ ਰੱਕੜ, ਕਿਸਾਨ ਆਗੂ ਕਰਮਜੀਤ ਸਿੰਘ ਦਾਤਾ, ਪ੍ਰਦੀਪ ਸਿੰਘ ਦਾਤਾ, ਕਾਮਰੇਡ ਮਹਿੰਦਰ ਸਿੰਘ ਖੈਰੜ, ਜੈ ਗੋਪਾਲ ਧੀਮਾਨ ਆਦਿ ਨੇ ਸਰਕਾਰ ਦੀਆ ਜਨ ਵਿਰੋਧੀ ਨੀਤੀਆਂ ਤੇ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਆਪਣੇ ਵਿਚਾਰ ਸਾਂਝੇ ਕੀਤੇ