ਭੁਲੱਥ, 5 ਮਾਰਚ (ਮੇਹਰ ਚੰਦ ਸਿੱਧੂ)-ਸਬ ਡਵੀਜ਼ਨ ਕਸਬਾ ਭੁਲੱਥ ਨਡਾਲਾ ਰੋਡ 'ਤੇ ਸਥਿਤ ਕ੍ਰਾਈਸਟ ਦਾ ਕਿੰਗ ਕਾਨਵੈਂਟ ਸਕੂਲ ਵਿਖੇ ਅੱਖਾਂ ਦੇ ਇਲਾਜ ਲਈ ਮੁਫ਼ਤ ਚੈੱਕਅਪ ਕੈਂਪ ਲਗਾਇਆ ਗਿਆ | ਕੈਂਪ ਦੌਰਾਨ ਅੱਖਾਂ ਦੇ ਥਿੰਦ ਆਈ ਹਸਪਤਾਲ ਜਲੰਧਰ ਵਲੋਂ ਅੱਖਾਂ ਦੇ ਮਾਹਿਰ ਡਾਕਟਰਾਂ ਵੱਲੋਂ ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ ਗਈ ਤੇ ਲੋੜਵੰਦ ਮਰੀਜ਼ਾਂ ਨੂੰ ਮੁਫ਼ਤ ਦਵਾਈਆਂ ਵੀ ਦਿੱਤੀਆਂ ਗਈਆਂ | ਇਸ ਮੌਕੇ ਡਾ. ਅਨੀਸ਼ਾ ਭਸੀਨ, ਪ੍ਰਦੀਪ ਸਿੰਘ ਕਲੱਸਟਰ ਹੈੱਡ, ਅੰਮਿ੍ਤ ਪਾਲ ਸਿੰਘ ਮੈਨੇਜਰ, ਇਹ ਅਨਾਮਿਕਾ, ਰੀਆ ਓਪਟੋਮੈਟਰਿਸਟ, ਕਿਰਨਦੀਪ ਕੌਰ ਹਾਜ਼ਰ ਸਨ | ਕੈਂਪ ਦੌਰਾਨ ਸਕੂਲ ਦੇ ਡਾਇਰੈਕਟਰ ਰੈਵ: ਫਾਦਰ ਰਾਮੋਲਡ ਮਾਰਿਓ, ਰੈਵ: ਅਮਿਤ ਸੀ.ਐਸ.ਐਨ, ਰੈਵ: ਪ੍ਰੀਤੀ ਸੀ.ਐਸ.ਐਨ., ਸੁਚੇਤਾ ਸੀ.ਐਸ.ਐਨ., ਸਟਾਫ਼ ਸੈਕਟਰੀ, ਅਜੇ ਥਾਈਲੋਰ, ਰਿੰਕੂ ਰਤਨ ਤੇ ਹੋਰ ਹਾਜ਼ਰ ਸਨ |
