ਜਲੰਧਰ, 13 ਅਪ੍ਰੈਲ (ਡਾ.ਜਤਿੰਦਰ ਸਾਬੀ)-16ਵੀਂ ਸਬ ਜੂਨੀਅਰ ਹਾਕੀ ਚੈਂਪੀਅਨਸ਼ਿਪ ਜੋ ਬਿਹਾਰ ਦੇ ਸ਼ਹਿਰ ਰਾਜਗੀਰ ਵਿਖੇ ਕਰਵਾਈ ਗਈ | ਚੈਂਪੀਅਨਸ਼ਿਪ 'ਚੋਂ ਪੰਜਾਬ ਦੀ ਲੜਕੇ ਵਰਗ ਦੀ ਹਾਕੀ ਟੀਮ ਨੇ ਕਾਂਸੀ ਦਾ ਤਗਮਾ ਹਾਸਿਲ ਕੀਤਾ | ਇਹ ਜਾਣਕਾਰੀ ਦਿੰਦੇ ਹੋਏ ਹਾਕੀ ਪੰਜਾਬ ਦੇ ਪ੍ਰਧਾਨ ਨਿਤਿਨ ਕੋਹਲੀ ਤੇ ਜਨਰਲ ਸਕੱਤਰ ਅਮਰੀਕ ਸਿੰਘ ਪਵਾਰ ਨੇ ਦੱਸਿਆ ਕਿ ਤੀਜੇ ਸਥਾਨ ਲਈ ਖੇਡੇ ਗਏ ਮੈਚ 'ਚੋੋਂ ਪੰਜਾਬ ਦੀ ਟੀਮ ਨੇ ਦਾਦਰ ਨਗਰ ਹਵੇਲੀ ਦੀ ਟੀਮ ਨੂੰ 1-0 ਨਾਲ ਹਰਾ ਕੇ ਇਹ ਮਾਣਮੱਤੀ ਪ੍ਰਾਪਤੀ ਕੀਤੀ ਪਰ ਸੈਮੀਫਾਈਨਲ 'ਚ ਪੰਜਾਬ ਟੀਮ ਨੂੰ ਉਤਰ ਪ੍ਰਦੇਸ਼ ਦੀ ਟੀਮ ਤੋਂ 6-2 ਨਾਲ ਹਾਰ ਮਿਲੀ | ਪੰਜਾਬ ਹਾਕੀ ਟੀਮ ਦੇ ਇਸ ਪ੍ਰਾਪਤੀ ਤੇ ਹਾਕੀ ਖੇਡ ਪ੍ਰੇਮੀਆਂ ਨੇ ਜੇਤੂ ਟੀਮ ਦੇ ਖਿਡਾਰੀ, ਕੋਚਿੰਗ ਸਟਾਫ ਨੂੰ ਵਧਾਈ ਦਿੱਤੀ ਹੈ |
