ਲੋਹੀਆਂ ਖਾਸ, 5 ਮਾਰਚ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)-ਕਦੇ ਕਦੇ ਮਨੁੱਖ ਨੂੰ ਮੌਤ ਅਜਿਹੇ ਤਰੀਕੇ ਨਾਲ ਆਉਂਦੀ ਹੈ ਕਿ ਉਸਦੀ ਭਿਣਕ ਨੇੜਲੇ ਵਿਅਕਤੀ ਨੂੰ ਵੀ ਨਹੀਂ ਲੱਗਦੀ, ਅਜਿਹੀ ਘਟਨਾ ਵਾਰੀ ਹੈ ਲੋਹੀਆਂ ਦੇ ਜ਼ੰਕਸ਼ਨ ਸਟੇਸ਼ਨ ਦੇ ਮੁਸਾਫਿਰਾਂ ਲਈ ਬਣੇ ਇੰਤਜ਼ਾਰ ਘਰ 'ਚ, ਜਦੋਂ ਬੈਠਾ ਬੈਠਾ ਇੱਕ ਵਿਅਕਤੀ ਦਮ ਤੋੜ ਗਿਆ ਪਰ ਕਿਸੇ ਨੂੰ ਪਤਾ ਤੱਕ ਵੀ ਨਾ ਲੱਗਾ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਰੇਲਵੇ ਪੁਲਿਸ ਚੌਂਕੀ ਲੋਹੀਆਂ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਬੀਤੇ ਦਿਨ ਸਟੇਸ਼ਨ ਦੇ ਮੁਸਾਫਿਰਾਂ ਲਈ ਬਣੇ ਇੰਤਜ਼ਾਰ ਘਰ 'ਚ ਦਮ ਤੋੜ ਚੁੱਕੇ ਵਿਅਕਤੀ ਦੀ ਪਹਿਚਾਣ ਨਹੀਂ ਹੋ ਸਕੀ ਅਤੇ ਉਸ ਦੀ ਲਾਸ਼ 72 ਘੰਟਿਆਂ ਲਈ ਨਕੋਦਰ ਦੇ ਸਿਵਲ ਹਸਪਤਾਲ ਵਿਖੇ ਜਮਾਂ ਕਰਵਾਈ ਗਈ ਹੈ ਜਿਥੇ ਉਸਦਾ ਦਾ ਮਿਤੀ 6 ਮਾਰਚ ਨੂੰ 72 ਘੰਟੇ ਹੋਣ ਉਪਰੰਤ ਪੋਸਟ ਮਾਰਟਮ ਕੀਤਾ ਜਾਵੇਗਾ |
